А. Балабась
Адыгэ Республикэм щыпсэухэу лъытэныгъэ зыфэтшIыхэрэр!
ТичIыпIэгъу лъапIэхэр!Лъэпкъ зыкIыныгъэм и МафэкIэ тышъуфэгушIо!Мы мафэм тихэгъэгу итарихъ чIыпIэшхо щеубыты. Лъэхъэнэ къызэрымыкIом тикъэралыгъо ушэтынышхохэр зэпичын зэрилъэкIыгъэм, лIэужхэм язэпхыныгъэ зэрэпытэм, Урысыем къырыкIощтымкIэ пшъэдэкIыжьышхо зэрэтхьырэм ар ятамыгъ.ЛIэшIэгъуиплIым ехъукIэ узэкIэIэбэжьмэ, тятэжъ пIашъэхэм техакIохэр Москва зэрэдафыжьыгъагъэмкIэ зэрэдунаеу нэрылъэгъу фашIыгъагъ цIыф лъэпкъыбэмэ языкIыныгъэ Урысыем илъэшыгъэ икъэкIуапIэу зэрэщытыр.Урысые Федерацием и Президентэу Владимир Путиным 2026-рэ илъэсыр Урысыем щыпсэурэ лъэпкъхэм языкIыныгъэ и Илъэсэу зэригъэнэфагъэм мы мэфэкIым мэхьанэшхо зэрэратырэр къегъэлъагъо. Къэралыгъом ипащэ ащ фэдэ унашъоу ыштагъэм лъэпкъ зэгурыIоныгъэр нахь дгъэпытэнэу, ти Хэгъэгушхо инеущырэ мафэ зэдэдгъэпсынэу къыщытэджэ.Лъэпкъ зэфэшъхьафхэр зэгурыIоу зыщызэдэпсэурэ, дин зэфэмыдэхэр зыщалэжьырэ Адыгеим нэрылъэгъу къыщыпфэхъу республикэми, хэгъэгуми хэхъоныгъэ ашIынымкIэ лъэпкъхэм языкIыныгъэрэ язэгурыIоныгъэрэ мэхьанэшхо зэряIэр.Ахэр ары тинепэрэ гъэхъагъэхэми лъапсэ афэхъугъэр. ТIэ зэкIэдзагъэу тэ тызэдэлажьэ, унагъохэр зэдэтэгъэпсы, Хэгъэгушхори, чIыгу гупсэри шIу алъэгъоу къэтэджынхэу кIэлэцIыкIухэр тэпIух.Непэ, Урысыер Украинэм инеонацизмэ зыщебэныжьырэ лъэхъаным, титекIоныгъэхэм якъэкIопIэ шъхьаIэр тикъэралыгъо ис лъэпкъ зэфэшъхьафхэр пытэу зэрэзэкъотхэр ары. ЛIэшIэгъубэмэ къакIоцI зэкъош зэфыщытыкIэу тазыфагу илъ хъугъэр анахьэу къызыщылъагъорэр хэушъхьафыкIыгъэ дзэ операциер зыщыкIорэ чIыпIэр ары. Лъэпкъэу къызыхэкIыгъэхэм, динэу алэжьырэм ямылъытыгъэу Урысыем идзэкIолIхэр зэкъотхэу пыим мыщ щыпэуцужьых, Хэгъэгум ифедэхэр къагъэгъунэ.Урысыем ис цIыф лъэпкъыбэмэ языкIыныгъэ тигъэхъагъэхэм якъэкIуапIэу тапэкIи зэрэщытыщтым тицыхьэ телъ.ТичIыпIэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, Адыгеими, Урысыеми апае гъэхъэгъакIэхэр шъушIынэу шъуфэтэIо!Адыгэ Республикэм и ЛIышъхьэу, Урысые политическэ партиеу«Единэ Россием» и Адыгэ шъолъыр къутамэ и СекретарэуКъумпIыл МуратАдыгэ Республикэм и Къэралыгъо Совет – Хасэм и ТхьаматэуПавел Стаценкэр