АР-м псауныгъэр къэухъумэгъэнымкIэ и Министерств
Адыгеим щыпсэурэ нэбгырэ мини 2-м дэкIыгъо медицинэ уплъэкIунхэр къызфагъэфедагъэх.
«ГъэшIэ кIыхьэм фэлэжьэрэ медицинэр» зыфиIорэ проектым игъэцэкIэн республикэм щылъагъэкIуатэ. Ащ къыдыхэлъытагъэу цIыфхэм япсауныгъэ изытет ауплъэкIу, пкъышъолым ипсыхьан дэлажьэх.АР-м псауныгъэр къэухъумэгъэнымкIэ и Министерствэ къызэритырэмкIэ, «ГъэшIэ кIыхьэр ыкIи чаныр» зыфиIорэ лъэпкъ проектым къыдыхэлъытагъэу мы шъолъыр Iофтхьабзэр блэкIыгъэ илъэсым щегъэжьагъэу тиреспубликэ щырагъэкIокIы. А уахътэм къыкIоцI нэбгырэ мини 2-м япсауныгъэ изытет ауплъэкIугъ, нахь игъэкIотыгъэ медицинэ IэпыIэгъу зищыкIагъэхэр сымэджэщхэм агъэкIуагъэх.ШэкIогъу мазэми дэкIыгъо Iофтхьабзэхэр щыIэщтых. Ахэр зыфэдэщтхэр министерствэм ыгъэнэфэгъах. Мы мазэм и 6-м Кощхьэблэ районым ит псэупIэу Вольнэм медицинэм иIофышIэхэр еблэгъэщтых. ШэкIогъум и 13-м ыкIи и 20-м Красногвардейскэ районым икъуаджэу Хьатикъуаерэ Шэуджэн районым ит къутырэу Тихоновымрэ адэсхэм япсауныгъэ изытет ауплъэкIушъущт. Мы мазэм и 27-м Большесидоровскэм а Iофтхьабзэр щыкIощт.Район гупчэхэм апэIудзыгъэ псэупIэхэр ары медицинэ уплъэкIунхэр анахьэу зыщызэхащэхэрэр. ЯгъашIэ нахь кIыхьэ ашIыным пае зыфэсакъыжьынхэ, япсауныгъэ лъыплъэнхэ зэрэфаер цIыфхэм алъагъэIэсыныр проектым ипшъэрылъ шъхьаIэхэм ащыщ.