Министерствэм шъугу къегъэкIыжьы

Iофтхьэбзэ зэфэшъхьафхэм ахэлэжьэрэ цIыфхэм мыщ фэдэ шапхъэ­хэр агъэцэкIэнхэ фае:— общественнэ рэхьатныгъэр аукъо хъущтэп;— укъэзыуцухьэрэ цIыфхэр щынэгъо чIыпIэ изыгъэуцонхэ зылъэкIыщт хъугъэ-­шIагъэхэр къэмыгъэхъугъэнхэр;— цIыф жъугъэхэр зыхэлэжьэрэ Iоф­тхьабзэхэр зыщызэхащэрэ псэуалъэхэм ыкIи Iэмэ-псымэхэм уафэсакъын фае;— Iофтхьабзэр резыгъэкIокIыхэрэм, къыбдекIокIыхэрэм, пшъэдэкIыжь зыхьыхэрэм, общественнэ рэхьатныгъэм ыкIи щынэгъончъэу Iофтхьабзэр зэхэщэгъэным алъыплъэхэрэм ыкIи зэкIэ цIыфхэм шъхьэкIэфэныгъэ афэпшIынэу щыт;— ухъумэкIо къулыкъухэм хабзэм диштэрэ унашъоу къыпфашIыхэрэр бгъэ­цэкIэнхэ фае;— зыныбжь имыкъугъэ кIэлэцIыкIу­хэр язакъоу къэбгъанэхэ хъущтэп;— гъэнэфэгъэ уцупIэр ары автотранспортыр зыдэбгъэуцунэу щытыр;— щынэгъо чIыпIэм цIыфхэр ищыгъэн­хэм фэгъэхьыгъэ къэбарыр къыплъыIэсыгъэмэ, хэгъэгу кIоцI Iофхэм якъулыкъушIэхэм е фэшъхьафхэу а IофымкIэ пшъэдэкIыжь зыхьыхэрэм яунашъо бгъэцэкIэн фае, бырсыр умышIэу, рэхьатэу къызфаIогъэ чIыпIэм уекIолIэнэу щыт.Общественнэ рэхьатныгъэр мыукъогъэным пае Адыгэ Республикэм ишъо­лъырхэм ащыщ цIыф жъугъэхэр зыхэлэжьэрэ Iофтхьабзэ зыщыфагъэхьазыры зыхъурэм е зыщырагъэкIокIырэ уахътэм хэбзэукъоныгъэ горэ шъулъэгъумэ, мыщ фэдэ телефон номерхэмкIэ Адыгеим и МВД идежурнэ часть шъуфытеон шъулъэкIыщт: (8772) 59-64-00, полицием иотдел 02 (мобильнэмкIэ – 102). Джащ фэдэу полицием иIофы­шIэмэ ащыщ шъуихьэнэ-гъунэ ишъулъа­гъомэ, ащ шъуекIолIэн шъулъэкIыщт.