БзэджэшIагъэр псынкIэу къызэIуахыным пае

Уимылъку пшIуатыгъугъэмэ, бзэджэшIагъэр нахь шIэхэу зэхэфыгъэнымкIэ IэпыIэгъу шъухъун шъулъэкIыщт.

АпэрэмкIэ, зэрар зэрахыгъэм ащ лъыпытэу полицием зыфигъэзэн фае.ХъункIэгъэ лъэужхэм гу алъышъутагъэмэ (IункIыбзэр агъэфыкъуагъэмэ, пчъэбгъур готхъыгъэмэ, пчъэхэр IуубгъукIыгъэхэмэ), сыд хъугъэкIи унэ кIоцIым шъуихьэ хъущтэп.ЫпэрапшIэу, полицием уфытеон, джащ фэдэу гъунэгъухэм зафэбгъэзэн фае – хъугъэ-шIагъэм ахэр щыгъозэнхэкIи мэхъу. Къатыбэу зэтет унэм фэтэрыр хэтмэ, урамым шъукъытехьажь ыкIи ухъумакIохэр къэсыфэхэкIэ зи унэм чIэшъумыгъахь.Эксперт-криминалистхэу къа­кIохэрэм гъэнэфагъэу ашIэщтым щыгъуазэх, мысагъэр къэзыгъэ­лъэгъорэ пкъыгъохэр къыхагъэ­щыщтых.ЧIылъэ унэмэ шъуиIэр, ащи къыпэIулъ шъолъырым цIыфхэр ебгъэкIуалIэхэ хъущтэп.Эксперт-криминалистмэ афэшъхьафэу лъыхъокIо-­оперативнэ купым хэтэу чIыпIэр къэзыплъыхьащт кинологыр къакIо, ащ къулыкъушIэ-­лъыхъокIо хьэ гъэсагъэр кIыгъоу хабзэ. Шъузэгуцэфэрэ пкъыгъохэр бзэджэшIагъэ зыщызэрахьэгъэ чIыпIэм щышъу­лъэгъугъэмэ (тутыныбжъэхэр, шъо шъуимые щыгъынхэр), ахэр зытетым тетэу къызэрэжъугъэнэжьыщтхэм шъулъыплъ. Ом изытет уигъэрэзэнэу щымытмэ (ощх къещхымэ е къесымэ), ахэр мыуцIынынхэу телъхьэ­хэр афэшъушIых.Шъуиджыбэ е шъуиIалъмэкъ шъуимылъку икIодыкIыгъэмэ, ащ лъыпытэу номерэу 02-м (мобильнэмкIэ – 102-рэ) шъузэрэтеощтым фэшъхьафэу, зэкIэ пкъыгъоу кIодыгъэхэр шъугу къэжъугъэ­кIыжьых.