Лъэс зекIонымкIэ Iофтхьабзэу Адыгэ Республикэр зызэхащагъэр илъэс 36-рэ зэрэхъугъэм фэгъэхьыгъэм изэфэхьысыжьхэр мы мафэхэм ашIыгъэх.
Марафонэу «140000 – здоровье Адыгеи» зыфиIорэм кIэщакIо фэхъугъ Мыекъуапэ физическэ культурэмкIэ ыкIи спортымкIэ и Комитет. Республикэм икъэлэ шъхьаIэ щыпсэухэрэм ямызакъоу, район зэфэшъхьафхэм ялIыкIохэми мыщ зыщаушэтыгъ, зэкIэмкIи нэбгырэ 95-рэ зэрипхыгъ.ЗэхэщакIохэм зэрагъэнэфагъэу, Iофтхьабзэм хэлажьэхэрэм мэфиблым лъэбэкъу мини 140-рэ къакIун фэягъ, а пшъэрылъыр нэбгырэ 52-мэ агъэцэкIагъ. Ахэр республикэ стадионэу «Зэкъошныгъэм» щаугъоигъэх, щытхъу тхылъхэр щаратыжьыгъэх. Анахьэу къахагъэщыгъэр Мыекъуапэ щыпсэурэ Елена Зезюкинар ары, ащ апэу лъэбэкъу мини 140-рэ къыкIугъ ыкIи ащ сыхьат 36-рэ тыригъэкIодагъ.КъыкIэлъыкIорэ марафоныр шэкIогъум и 2-м аублэщт.