Краснодар щыщэу илъэс 18 зыныбжь Бризгалин Данилэ къыфаIэтыгъэ уголовнэ IофымкIэ Къыблэ шъолъыр дзэ хьыкумым (къалэу Ростов-на-Дону) кIэух унашъор ыштагъ. Урысыем и Уголовнэ кодекс ия 205-рэ статья ия 2-рэ Iахь ипунктэу «а-м» зигугъу къышIырэ бзэджэшIагъэ зэрихьагъэкIэ, террористическэ актым хэлэжьагъэкIэ ар агъэмысагъ.
Нафэ къызэрэхъугъэмкIэ, Украинэм ихэушъхьафыкIыгъэ къулыкъухэм пшъэрылъ къызэрэфашIыгъэм тетэу Д. Н. Бризгалиным пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «РЖД-м» ирелейнэ шкаф машIо ридзыгъ. Мессенджерэу ТелеграмымкIэ Украинэм къырашIыкIызэ, зэрэзекIон фаер кIалэм къыраIощтыгъ.Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ оперативнэ-лъыхъон Iофтхьабзэу зэрихьагъэхэм якIэуххэр IэубытыпIэ къызыфишIхэзэ, транспортымкIэ Краснодар следственнэ отделым уголовнэ Iофыр къызэIуихыгъ.Урысыем и Уголовнэ кодекс ия 205-рэ статья ия 2-рэ Iахь ипунктэу «а-м» диштэу хьыкумым илъэситIу хьапс Д. Н. Бризгалиным тырилъхьагъ.