МуайтаимкIэ Урысые зэнэкъокъоу «Кавказым и Кубок» зыфиIорэм мыекъопэ клубэу «Санрайзым» зыщызыгъасэхэрэр хэлэжьагъэх. Къэралыгъом ишъолъыр 36-мэ къаракIыгъэ спортсмен 570-мэ заушэтыгъ.
Тиреспубликэ къэзыгъэлъэгъогъэ Максим Кузнецовым тыжьын медаль къыхьыгъ. Мы гъэхъагъэм ишIуагъэкIэ 2027-рэ илъэсым зэхащэщт Урысыем ипервенствэ хэлэжьэнэу ащ фитыныгъэ къыдихыгъ. Ящэнэрэ чIыпIэр къафагъэшъошагъ Анвар Сартлановымрэ Алексей Петровымрэ.