Ветеранхэм я Совет
Хэгъэгу кIоцI IофхэмкIэ Министерствэм и ГъэIорышIапIэу Адыгеим щыIэм хэхьэрэ ветеран организацием и Совет зэфэхьысыжь-хэдзын конференцие мы мафэхэм ригъэкIокIыгъ.
Конференцием иIофшIэн хэлэжьагъэх министрэм игуадзэу Виталий Элибековыр, Советым итхьаматэ игуадзэхэу Авес Гаштовыр ыкIи Николай Киселевыр, ветеран организацием илIыкIохэр.2020 — 2025-рэ илъэсхэм Советым Iофэу ышIагъэм фэгъэхьыгъэ гущыIэ Авес Гаштовым къышIыгъ. Ащ къызэриIуагъэмкIэ, организацием иIофшIэн анахьэу зыфэгъэзэгъагъэр хэгъэгу кIоцI Iофхэм якъулыкъухэм зэпхыныгъэу адыряIэм игъэпытэнрэ полицием икъулыкъушIэ цыхьэу къыфашIырэм хэгъэхъогъэнымрэ. Хэгъэгу кIоцI IофхэмкIэ Министерствэм и ГъэIорышIапIэ ипшъэрылъхэр ыгъэцакIэхэ хъумэ, ащ ветеранхэр нахь чанэу хэгъэлэжьэгъэнхэр зы лъэныкъоу яIофшIэнкIэ анаIэ зытырагъэтыгъэхэм ащыщ.Ащ фэшъхьафэу, ветеранмэ яорганизацие ныбжьыкIэмэ Iофэу адишIэрэр лъигъэкIотагъ, лIэужыкIэм патриотизмагъэрэ гушъхьэ-цIыфыгъэ шэнхэмрэ ахэлъхьэгъэнхэм ыуж итыгъэх. Хабзэ зэрэхъугъэу, къулыкъушIэ ныбжьыкIэмэ ашъхьагъ ветеран-гъэсакIохэр арагъэуцох. Ащ фэдэу агъэнафэхэрэр анахь гъэсагъэхэр, IэпэIасэхэр ары. Ветеранхэм, сэкъатныгъэ зиIэхэм, ипшъэрылъ ыгъэцакIэзэ зэо-зэпэуцужьхэм ахэкIодагъэхэм яунагъохэм зэпамыгъэоу социальнэ, мылъку IэпыIэгъу арагъэ- кIыгъ.Конференцием изэфэхьысыжь Iахь къыхиубытэу IофыгъошIу зэшIуахыгъ: Советым итхьаматэу, милицием иполковникэу отставкэм щыIэ ХъутIыжъ Азмэт щытхъуцIэу «Хэгъэгу кIоцI IофхэмкIэ къулыкъум иветеранхэм я Урысые общественнэ организацие ишъолъыр къутамэу Адыгэ Республи- кэм щыIэм и Совет итхьамэтэ гъэшIуагъ» зыфиIорэр фагъэшъошагъ.Нэужым къыкIэлъыкIощт илъэси 5-м общественнэ организацием ипэщэщтхэр конференцием щыхадзыгъэх.