БоксымкIэ Урысыем ичемпионат къалэу Саранскэ щэкIо. Адыгэ Республикэр Мыекъуапэ щыщ спортсменитIумэ къагъэлъэгъуагъ — Евгений Жоровымрэ Мушег Баяндурянрэ.
Жоровыр килограмм 54-м нэс къэзыщэчыхэрэм якуп хэт. Апэрэ зэIукIэгъоу ащ иIагъэр 5:0-у Бурятием щыщ Альберт Гатауллиным къышIуихьыгъ. Тиспортсмен финалым и 1/8-м ихьагъ. Мушег Баяндурян килограмм 51-м нэс къэзыщэчыхэрэм якуп зыщиушэтыгъ. Ащ Дагъыстан щыщ Солтанмурад Гаджиевыр 0:5-у къытекIуагъ ыкIи зэнэкъокъум къыхэзыгъ.Чемпионатыр Iоныгъом и 5-м нэс кIощт. Евгений Жоровым гъэхъагъэ ышIынэу, текIоныгъэм фэбэнэнэу фэтэIо.