Гъэмэфэ спорт лъэпкъхэм я Урысые спартакиадэ хэлэжьэгъэ Адыгеим испортсмен джэрз медаль къыхьыгъ.
СамбэмкIэ зэнэкъокъур Свердловскэ хэкум икъалэу Верхняя Пышма щыкIуагъ. Къэралыгъом ишъолъыр 18-мэ ялIыкIуи 107-мэ ащ зыщаушэтыгъ.Адыгеим ыцIэкIэ зэнэкъокъум хэлэжьагъэх спортымкIэ мастерэу ЦIыкIу Рэмэзанрэ спортым имастер хъунымкIэ кандидатэу Батмэн Аминрэ.Илъэс пшIыкIубгъу зыныбжь Батмэным хагъэунэфыкIырэ чIыпIэ къыдихын ылъэкIыгъэп. ЦIыкIур килограмм 64-м нэс къэзыщэчыхэрэм якуп хэтыгъ. Ящэнэрэ чIыпIэм фэбанэзэ ар чIыпIэ спортсменэу Ваграм Саргсян IукIагъ ыкIи текIуагъ. Мы куп дэдэм зыщызыушэтыгъэ Краснодар краим испортсменэу Денис Пастернак джэрз медаль къыфагъэшъошагъ. Свердловскэ хэкур къэзыгъэлъэгъогъэ Виталий Симаковым ятIонэрэ чIыпIэр къыхьыгъ, Москва илIыкIоу Алексей Зайцевым пэрытныгъэр ыубытыгъ.