Кушъхьэфэчъэ спортымкIэ дунэе мэхьанэ зиIэ зэнэкъокъум Адыгеим илIыкIоу Елизавета Арчибасовам текIоныгъэр къыщыдихыгъ. Ар Урысыем ихэшыпыкIыгъэ командэ хэтэу зиушэтыгъ. Мыщ фэдэ къэбар гушIуагъо къытыгъ олимпийскэ резервым иреспубликэ спорт еджапIэ.
Кушъхьэфачъэм тес спортсменкэхэм гъогуонэ хьылъэ къачъын фэягъ. Елизаветэ ипшъэрылъ дэгъу дэдэу ыгъэцэкIагъ, нэмыкI къэралыгъохэм яспортсменкэхэр къызэринэкIхи, зэкIэми апэу къэсыжьыгъ. ГъэхъэгъэшIу зышIыгъэ типшъашъэ фэгушIуагъэх кушъхьэфэчъэ спортымкIэ республикэ спорт еджапIэм ипащэхэр.