Кушъу С. ихъарзынэщ
Адыгеим изаслуженнэ журналистэу Кушъу Светланэ АР-м и Сурэт къэгъэлъэгъуапIэ итхьаматэу агъэнэфагъ.
КъТРК-у «Адыгеим» илъэс 25-рэ журналистэу Iоф щишIагъ, республикэм культурэмкIэ иучреждениехэм ащылэжьагъ, аужырэ илъэси 5-м АР-м культурэмкIэ иминистрэ игодзагъ. Культурэм, искусствэм алъэныкъокIэ, IорыIуатэмкIэ шъолъырым икультурнэ щыIакIэ къизыIотыкIырэ къэтынхэр ыгъэхьазырыгъэх. Лъэпкъ культурэр ыкIи шэн-хабзэхэр къэухъумэгъэнхэмкIэ Iофышхо зэшIуихыгъ. Муниципальнэ ыкIи шъолъыр мэхьанэ зиIэ культурнэ Iофтхьабзэхэм язэхэщэн чанэу ахэлэжьагъ.Культурнэ кIэным уасэ фэзышIырэ Кушъу Светланэ пшъэрылъхэм язэшIохын ыкIуачIэ къыхьынэу тыфэлъаIо.