Шахмат псынкIэмкIэ зэнэкъокъу Мыекъуапэ щыкIуагъ.
Мыщ нэбгырэ 26-мэ зыщаушэтыгъ, ахэм ащыщэу 5-р бзылъфыгъэх. ЗэхэщакIохэм швейцарскэ шIыкIэр къыхахыгъ, ащ турибл къыдыхэлъытэгъагъ.
Зэнэкъокъум пэрытныгъэр щиубытыгъ къалэу Шытхьалэ щыщ Борис Апостолиади. Ащ зы зэIукIэгъу ныIэп шIуахьыгъэр, къытекIуагъэр турнирым ящэнэрэ чIыпIэр щызыубытыгъэ Мыекъуапэ щыпсэурэ Даниил Козленкэр ары. ЯтIонэрэ чIыпIэр фагъэшъошагъ очкоуих изыгъэкъугъэ Александр Кадилиным (Мыекъуапэ). ПшъашъэхэмкIэ къэгъэлъэгъон анахь дэгъу зиIэр Пхэнэе Дана, ащ очкоуиплI къыхьыгъ ыкIи я 12-рэ хъугъэ.