ФутболымкIэ Урысые чемпионатым къыдыхэлъытэгъэ зичэзыу зэIукIэгъу «Зэкъошныгъэм» Мыекъуапэ щыриIагъ. Республикэу Къырым къикIыгъэ «Рубин Ялтэ» тикомандэ дешIагъ.«Зэкъошныгъ» (къ. Мыекъуапэ) — «Рубин Ялта» (къ. Ялта) — 2:2 (2:0)Къэлапчъэм Iэгуаор дэзыдзагъэхэр: Делэкъо А. (я 21-рэ такъикъым), Къонэ А. (я 34-рэ такъикъым, пенальти), С. Шульга (я 53-рэ такъикъым), Б. Джанелидзе (я 54-рэ такъикъым).
ФК «Зэкъошныгъэм» щыджэгугъэхэр: Хачиров (къэлэпчъэIут), Черджиев, Солоп, Юшко, Васильев, Кобл, Цанава (Iащэ), Зезэрэхьэ (ХъуакIо), Хьэх (Хьапыщт), Къуанэ (Антоненко), Делэкъо.Тренер шъхьаIэр: Александр Кайванов.
«Рубин Ялтэм» хэтхэр: Туаев (къэлэпчъэIут), Тарнов, Папазян, Федосюк (Шульга), Бирюков, Хватаев, Панамарев, Наниев, Проценко (Колтаков), Полях (Польшиков), Пурак (Джанелидзе).Тренер шъхьаIэр: Алексей Грачев.Мы зэIукIэгъум иапэрэ такъикъ къыщегъэжьагъэу аужырэ нэгъэупIэпIэгъум нэсыжьэу гъэшIэгъон дэдэу кIуагъэ. «Рубинрэ» «Зэкъошныгъэмрэ» яфутбол зэпэуцужьын пштэмэ, Ялтэ икомандэ зэ Мыекъуапэ ием зэрэшIуихьыгъэр. Адырэхэм тиспортсменхэр текIощтыгъэх е зэфэдэ кIэухыр ешIэгъум фэхъущтыгъ. Мызыгъэгуми ащ фэдэ джэгукI тлъэгъугъэр. «Зэкъошныгъэм» илъыгъохэр ышIыщтыгъэх. Я 21-рэ такъикъым ахэм шIуагъэ къатыгъ, Делэкъо Аскэр пчъагъэр къызэIуихыгъ. Джыри такъикъ 13 тешIагъэу Никита Васильевым пенальти къылэжьыгъ, ар дэгъоу ыгъэцэкIагъ Къонэ Амир. Пчъагъэр 2:0-у командэхэр зыгъэпсэфыгъо уахътэм кIуагъэх.ЯтIонэрэ едзыгъор зэрэрагъэжьагъэм лъыпытэу «Рубин» итренер шъхьаIэ спортсменищ зэблихъугъ. ХьакIэхэм яешIакIэ ащ къызэрихъокIыгъ. Сергей Шульга апэ пчъагъэр 2:1-м нигъэсыгъ, зы такъикъкIэ Бека Джанелидзе 2:2 ышIыгъ. Къэнэгъэ уахътэм «Зэкъошныгъэм» Iэгуаор дидзэн амалхэр джыри иIагъэх, ау ахэр фэгъэхъугъэхэп.— ЗэIукIэгъу заулэ хъугъэшъ пчъагъэмкIэ ыпэ тешъы. Ар къагъэнэным пылъхэу футболистхэр мэджэгух. Ау ащ фэдэ пшъэрылъ сэ командэм фэзгъэуцугъэп. КъытэхъулIагъэри къэтылэжьыгъ, — зэIукIэгъу ужым къыIуагъ «Зэкъошныгъэм» итренер шъхьаIэу Александр Кайвановым.
Я 15-рэ къекIокIыгъом къыдыхэлъытэгъэ ешIэгъухэр зэраухыгъэхэр:«Победа» — «Ростов-2» — 2:2«Нефтяник» — «Чайка-М» — 1:2«Спартак-Налщык» — «Севастополь» — 3:2«Нарт» — «Кызылташ» — 1:0«Астрахань» — «Заря» — 1:2«Зэкъошныгъ» — «Рубин Ялта» — 2:2«Динамо-2» — «Шахтер» — 1:1.Мы къекIокIыгъом ыуж «Зэкъошныгъэр» я 7-рэ чIыпIэм къехыгъ. Апэрэм щыт «Севастополыр». «Шахтерым» ятIонэрэ чIыпIэр ыIыгъ. Командэ лъэшищыр зэфешIыжьы «Ростов-2»-м.Командэхэм очко пчъагъэу яIэр ыкIи зыдэщыт чIыпIэхэр:
«Чайка-М» (Песчанокопское) — 7.Бэдзэогъум и 25-м нэс Урысые чемпионатым хэлажьэхэрэм зыгъэпсэфыгъо яIэщт. Нэужым зэIукIэгъуитIу къызэкIэлъыкIоу «Зэкъошныгъэм» Мыекъуапэ щыриIэщт.
«Севастополь» — 32
«Шахтер» (Донецк) — 30
«Ростов-2» — 29
«Нарт» (Щэрджэскъал) —24
«Кызылташ» (Бахчисарай)— 23
«Спартак-Налщык» — 23
«Зэкъошныгъ» (Мыекъуапэ) — 22
«Победа» (Хасавюрт) — 21
«Рубин Ялта» — 20
«Заря» (Луганск) — 15
«Нефтяник» (Избербаш) — 15
«Ангушт» (Назрань) — 13
«Астрахань» — 12
«Динамо-2» (Махачкала) — 9