ФутболымкIэ Краснодар краим ичемпионат и Апшъэрэ лигэ хэтхэмзэIукIэгъухэр лъагъэкIуатэх. Мыщ Адыгеим икомандитIумэ зыкъыщагъэлъагъо — Тульскэм и «Урожайрэ» «Зэкъошныгъ-2»-мрэ.
ДжырэкIэ зэнэкъокъум ызыныкъо кIогъахэ. «Урожаим» ятIонэрэ чIыпIэр ыIыгъ. ЗекIогъу Мурат ыгъасэхэрэмкIэ аужырэ зэIукIэгъур дэкIыгъуагъ. Шъачэ икомандэу «Жемчужинам» ар дэджэгугъ. Бысымхэм якъэлапчъэ IэгоуитIу Артём Мельник дигъэфагъ. Пчъагъэр 3-м нигъэсыгъ Евгений Осиповым. КъыкIэлъыкIощт ешIэгъур «Урожаим» Тульскэм щыриIэщт. Бэдзэогъум и 11-м Тихорецкэ районым къикIыщт «ПСЭ»-м IукIэщт.
«Зэкъошныгъ-2»-м ащ фэдэ гъэхъагъэ мы зэнэкъокъум щишIышъурэп. ЕшIэгъу 12-м ыуж тикомандэ я 10-рэ чIыпIэм щыт. Спортсмен ныбжьыкIэу ащ хэт-хэм зэгурыIоныгъэ ахэлъэу зэрэрагъэшIэщтхэм тренерхэр лъэхъугъ. ЧIыпIэу зэрытыр нахьышIу ышIынымкIэ «Зэкъошныгъ-2»-м джыри уахътэ иI.Командэхэр зыдэщытхэр ыкIи очко пчъагъэу яIэр:
- Кубань Холдинг(Павловскэр) — 34 (12)
- Урожай (Тульскэр) —29 (11)
- Колос (Белоглинскэ район)— 25 (12)
- Петра-2022 (Красноармей-скэ район) — 24 (11)
- Урожай (Ивановскэр) —18 (11)
- Торпедо (къ. Ермэлхьабл)— 17 (12)
- ФК Шъачэ-М2 (къ. Шъачэ)— 16 (12)
- ПСЭ (Тихорецкэ район)— 15 (11)
- ГНС-Спартак(къ. Краснодар) — 14 (11)
- Зэкъошныгъ-2(къ. Мыекъуапэ) — 10 (12)
- Екатеринодар-Универ(къ. Краснодар) — 9 (12)
- Екатеринодар-МЦОПф(къ. Краснодар) — 8 (12)
- Жемчужина (къ. Шъачэ)— 6 (10)
- Пшызэ-М (къ. Краснодар)— 3 (11).