Урым-рим бэнэнымкIэ Урысые зэнэкъокъу къалэу Омскэ щыкIуагъ. Тэхъутэмыкъоерайоным ит спорт еджапIэхэм защызыгъэсэхэрэ Хьатитэ Муратрэ ЦIэгъошIу Дамиррэ ащ хэлэжьагъэх.
Дамир килограмм 60-м кIахьэу къэзыщэчырэ купым хэтыгъ. СпортымкIэ мастерыцIэр зиIэ кIалэм изэIукIэгъухэр зэкIэ къыхьыхи, финалым нэсыгъ. Ащи Москва хэкум къикIыгъэ Иван Соломиным щытекIожьыгъ. Чемпионыр зыгъасэхэрэр тренерхэу ЦIэгъошIу Адамрэ Гаджимурадов Ахьмэдрэ. Килограмм 63-рэ къэзыщэчырэ купым хэтэу зыкъыгъэлъэгъуагъ Хьатитэ Мурат. КIалэр финалым ихьагъ. Ау Санкт-Петербург къикIыгъэ бэнакIор нахь лъэшэу къычIэкIыгъ. Мурат тыжьын медаль къыхьыгъ.