БоксымкIэ Урысыем ипервенствэу къалэу Краснодар щыкIуагъэм илъэс 19 – 22-рэ зыныбжь пшъашъэхэр хэлэжьагъэх. Къэралыгъом ишъолъыр зэфэшъхьафхэм къарыкIыгъэ спортсменкэ анахь лъэшхэр зэнэкъокъугъэх, текIоныгъэм ыкIи хагъэунэфыкIырэ чIыпIэхэм афэбэнагъэх.
ПсэупIэу Тульскэм икIэлэцIыкIу-ныбжьыкIэ спорт еджапIэу «Олимпым» зыщызыгъэсэрэ София Максюта ухьазырыныгъэ дэгъу къыгъэлъэгъуагъ, джэрз медаль къыфагъэшъошагъ. Типшъашъэ IэпэIэсэныгъэшхо зыIэкIэлъ спортсменкэхэм аIукIагъ, финалныкъор шIуахьыгъ нахь мышIэми, ящэнэрэ чIыпIэр къыдихын ылъэкIыгъ, Адыгеим имедальхэм ахигъэхъуагъ. Софие зыгъасэрэр Адыгэ Республикэм изаслуженнэ тренерэу Григорий Бегларян.Тульскэм икIэлэцIыкIу-ныбжьыкIэ спорт еджапIэу «Олимпым» зыщызыгъасэхэрэм гъэхъэгъэшIухэр ашIых, ахэр ары тиреспубликэ Къыблэ федеральнэ шъолъырым изэнэкъокъухэм ыкIи къэралыгъом ипервенствэ къащызыгъэлъагъохэрэр.Софие, ащ итренер тафэгушIо, джыри нахь лъэгэпIэ инхэм анэсынхэу афэтэIо.