Щэбзэ щэрыонымкIэ Урысыем ичемпионат Тульскэ хэкум икъалэу Алексин щыкIуагъ. Пкъынэ-лынэхэмкIэ фыкъуагъэ зиIэ спортсменхэр мыщ хэлэжьагъэх.
Ахэр къаралыгъом ишъолъыр 27-мэ къарыкIыгъэх, Паралимпийскэ джэгунхэм медальхэр къащызыхьыгъэхэри зэрахэтхэу зэкIэмкIи нэбгыри 123-рэ хъущтыгъэх.Адыгэ Республикэр зэнэкъокъум къыщигъэлъэгъуагъ Мыекъопэ спорт еджапIэу В.С. Максимовым ыцIэ зыхьырэм итренер-кIэлэегъаджэу Светлана Баранцевам. Ар Урысыем спортымкIэ изаслуженнэ мастер. Тишъолъыр илIыкIо гъэхъэгъэшхо ышIыгъ, апэрэ чIыпIэр къыдихыгъ, чемпионкэ хъугъэ. Урысыем спортымкIэ имастерэу Александр Баламутовыр ащ итренер.АдыгеимкIэ мыр зичэзыу медаль закъоу щытэп, дунэе шапхъэхэм адиштэрэ спортсменхэр тишъолъыр зэрэщагъэхьазырхэрэр джыри зэ ащ къыгъэшъыпкъэжьыгъ. Светлана Баранцевам къэралыгъо ыкIи дунэе зэнэкъокъухэм пчъагъэрэ хагъэунэфыкIырэ чIыпIэхэр къащыдихыгъ. ГущыIэм пае, Урысыем и Кубок къыфагъэшъошагъ.