КъэкIощтым иджырэ уахът

Санкт-Петербург щыкIорэ экономическэ форумэу Адыгеим и ЛIышъхьэу КъумпIыл Мурат япащэу тиреспубликэ илIыкIохэр зыхэлажьэхэрэм къыхиубытэу лъэныкъо зэфэшъхьафхэм атегъэпсыхьэгъэ зэзэгъыныгъэхэр щашIыгъэх. Банк Iофым, предпринимательствэм IэпыIэгъу егъэгъотыгъэным, ныбжьыкIэ политикэм ыкIи IофышIэхэм ягъэхьазырын, шъолъыр зэдэлэжьэныгъэм, нэмыкIхэми ахэр афэгъэхьыгъэх.

ЛъэныкъуитIу зэпхыныгъэхэрАдыгэ Республикэмрэ Республикэу Темыр Осетие — Аланиемрэ азыфагу илъыщт зэдэлэжьэныгъэм фэгъэхьыгъэ зэзэгъыныгъэм кIэтхэжьыгъэх Адыгеим и ЛIышъхьэу Къум­пIыл Муратрэ Темыр Осетие — Аланием и ЛIышъхьэу Сергей Меняйлорэ.Зэзэгъыныгъэм бэ къызэлъиубытырэр: сатыу-экономикэ, научнэ-техническэ, культурнэ ыкIи гуманитар IофтхьабзэхэмкIэ лъэныкъуитIу зэпхыныгъэхэм зарагъэу­шъомбгъущт. Ащ хэхьэх экономикэм ылъэ­ныкъокIэ ыкIи къэбар зэлъыIэсыкIэ амал­хэмкIэ язэпхыныгъэхэр гъэпытэгъэнхэр, транспортымкIэ, къыдэгъэкIыжьынымкIэ, сатыумкIэ, фэIо-фашIэхэмкIэ, архитекту­рэмкIэ, псэолъэшIынымкIэ, унэ-коммунальнэ хъызмэтымкIэ, къалэхэр зэтегъэпсыхьэгъэнхэмкIэ, псауныгъэр ыкIи цIыфхэр социальнэу къэухъумэгъэнхэмкIэ, гъэсэны­гъэмкIэ, наукэмкIэ, культурэмкIэ, спортымкIэ, зекIонымкIэ, тыкъэзыуцухьэрэ дунаир къэухъумэгъэнымкIэ, унэгъо ыкIи ныбжьыкIэ политикэр пхырыщыгъэнымкIэ, мысатыу организациехэу социальнэ лъэныкъом фытегъэпсыхьагъэхэмкIэ язэдэлэжьэныгъэ лъагъэкIотэныр.Ахэм анэмыкIэу зэгъусэхэу зэIукIэхэр, семинархэр, къэгъэлъэгъонхэр, Iэнэ хъураехэр, зэдэлэжьэныгъэм илъэныкъо зэфэшъхьафхэмкIэ нэмыкI Iофтхьабзэхэр зэшIуахынхэу рахъухьагъ. Ахэм адакIоу лъэныкъо зэфэшъхьафхэмкIэ организациехэм язэпхыныгъэ зырагъэушъомбгъущт, IофышIэхэр агъэхьазырыщтых, IофшIэнымкIэ амалышIоу аIэкIэлъ хъугъэхэмкIэ зэ­хъожьыщтых.«Темыр Осетие — Аланиер Адыгеим щызэхащэрэ гъэсэныгъэ, культурнэ, спорт, научнэ ыкIи нэмыкI Iофтхьабзэхэм ренэу къахэлажьэ. Тэри джащ фэдэу ткъош рес­публикэм тиартистхэр, тиспортсменхэр тэгъакIох, гуманитар лъэныкъохэмкIи IофышIэхэмкIи тызэхъожьы, экономикэми тызэдэлажьэ. Непэ тызыкIэтхэгъэ документым тизэдэлэжьэныгъэ зэригъэпытэщтым ыкIи шъолъыритIуми федэ къызэрэтфихьыщтым сицыхьэ телъ», — къыIуагъ Адыгеим и ЛIышъхьэу КъумпIыл Мурат.

Хэхъоныгъэм ипрограммАдыгеим и ЛIышъхьэу КъумпIыл Мурат пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «РВБ-м» (Вайлдберриз) игенеральнэ пащэу Роберт Мирзоян IукIагъ. Анахьэу зытегущыIагъэхэр проектэу «Программа роста» зыфиIорэр республикэм щыпхырыщы­гъэнымкIэ амалэу щыIэхэр ары. Джащ фэдэу зекIоным Адыгеим зызэрэщиу­шъомбгъущтым «Вайлдберризым» иIахьэу хишIыхьащтми тегущыIагъэх.

Зигугъу къэтшIыгъэ проектым тетэу республикэм ипредпринимательхэу платформэм Iоф щызышIэхэрэм Iэпы­Iэгъу арагъэгъотыщт, пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «РВБ-м» компанием хэхъоныгъэ егъэшIыгъэным ынаIэ тыригъэ­тыщт, бизнесым илъэныкъо шъхьаIэхэмкIэ компетенциехэм закъырагъэIэтыщт. Илъэсым къыкIоцI ахэм анаIэ атыра­гъэтыщт, нахь чанэу зыкъэзыгъэлъа­гъохэрэм IэпыIэгъу тедзэхэр арагъэ­гъотыщтых.ПшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «РВБ-м» АР-м экономикэ хэхъоныгъэмрэ сатыумрэкIэ и Министерствэ, гупчэу «Сибизнес» зыфиIорэм республикэм товархэр къыщыдэзыгъэкIхэу маркетплейсым дэлажьэхэрэм е мы платформэр къызфагъэфедэзэ щэнэу фаехэм яспискэ зэхагъэуцуагъ. Ахэр бизнес цIы­кIумрэ гурытымрэ апылъхэу товарэу къыдагъэкIыхэрэм япроцент 50-м нахь мымакIэр республикэм къинэжьыхэрэр ыкIи товар тамыгъэ зиIэхэр ары.Спискэм хэхьагъэх унэе предприя­тиехэу, компаниехэу гъомылапхъэхэр, мебелыр, хэубэхэр, щыгъынхэр, фар­макологическэ продукциер, косметикэр, Iэзэгъу уцхэр ыкIи нэмыкIхэр къы­дэзгъэкIыхэрэр. Товархэр республикэм къыщыдэзгъэкIыхэрэр бэдзэрыкIэхэм ащылъыкIотэнхэр бизнесменхэм IэпыIэгъу зэрэфэхъухэрэ амалхэм зэу ащыщ. Джащ епхыгъэу пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «РВБ-м» къыхьыгъэ пред­ложением тынаIэ тетыдзагъ. Ар зы­фэгъэ­хьыгъэр Адыгеим ипредприни­мательхэу онлайн-платформэм техьэ­хэрэр егъэджэгъэнхэр ыкIи ахэм Iэпы­Iэгъу ягъэгъотыгъэныр ары. Пред­принимательствэ цIыкIумрэ гурытымрэ къэралыгъо Iэпы­Iэгъу ягъэгъотыгъэнымкIэ республикэм амалыбэ щызэрахьэ. Мы лъэныкъоми зыщытыушэтынэу тыхьазыр. Джащ фэдэу АдыгеимкIэ мэхьанэшхо зиIэ зекIонымкIи ащ зэдэлэжьэныгъэ дытиIэным тифедэ хэлъ», — къыIуагъ АР-м и ЛIышъхьэу КъумпIыл Мурат.

НыбжьыкIэхэм яамалхэр пхыращынхэуАдыгэ Республикэмрэ Президентскэ платформэу «Урысыер — амалышIухэр зыIэкIэлъ къэралыгъу» зыфиIорэмрэ язэдэлэжьэныгъэ фэгъэхьыгъэ зэзэгъыныгъэм кIэтхагъэх. Тхылъым аIэпэкIадзэ­хэр кIагъэуцуагъэх Адыгеим и ЛIышъхьэу КъумпIыл Муратрэ платформэм ипащэу, гъэIорышIэным и Мастерскоеу «Сенеж» зыфиIорэм иректорэу Андрей Бетинрэ.НыбжьыкIэхэм сэнаущыгъэу ахэлъыр, ягухэлъхэр, амалэу яIэхэр ашъхьэкIи, ясэнэхьаткIи пхыращынхэ алъэкIыным фытегъэпсыхьэгъэ проектхэм ягъэцэ­кIэнкIэ IэпыIэгъу ятыгъэныр ары зэзэгъыныгъэм мурад шъхьаIэу иIэр.

КъумпIыл Мурат Президентскэ платформэу «Урысыер — амалышIухэр зы­IэкIэлъ къэралыгъу» зыфиIорэм ипащэ зэIукIэгъоу дыриIагъэм республикэм иныбжьыкIэхэм Iофэу адашIэрэр къыщи­Iотагъ. Адыгеим и ЛIышъхьэ къызэрэхигъэщыгъэмкIэ, ныбжьыкIэ чанхэр хэбзэ къулыкъухэм IэпыIэгъу ыкIи упчIэжьэгъу афэхъух. Ахэм социальнэ мэхьанэ зиIэ проектхэр пхыращых, шъолъырым щызэшIуахырэ пстэумэ ахэлажьэх.

Адыгэ Республикэм икIыгъэу хэгъэгум иапшъэрэ еджапIэхэм ащеджэхэрэм Адыгеим истудентхэм я Ассоциацие агъэпсыгъэу я Хэгъэгу цIыкIу зэпхыныгъэ къыдыряIэ зэпыт, республикэм ищы­Iэныгъэ хэщагъэх. НыбжьыкIэ пэрытхэм шъолъырым ипащэ IукIэнхэу, зэдэгущыIэгъухэр дыряIэнхэу амал яI, форум зэ­фэшъхьафхэм къащегъэжьагъэу унэе зэIукIэгъухэм анэсыжьэу, ащ фэIорышIэх. АР-м и ЛIышъхьэ иунашъокIэ муниципалитетхэм япащэхэр исэнаущыгъэкIэ, ичаныгъэкIэ къахэщыгъэ ныбжьыкIэхэм IофшIэпIэ чIыпIэхэр агъотынхэмкIэ IэпыIэгъу афэхъух.«Урысыем и Президентэу Владимир Путиныр ныбжьыкIэ политикэм ылъэныкъокIэ кIэщакIо зыфэхъугъэхэм ягъэцэ­кIэн апшъэ тшIыхэрэм ащыщ. Сэнаущыгъэ зыхэлъ кIэлэцIыкIухэм, ныбжьыкIэхэм якъыхэгъэщынкIэ ыкIи IэпыIэгъу ятыгъэ­нымкIэ системэшхо Адыгеим щыгъэпсыгъэ хъугъэ, зэпымыоуи ащ зетэгъэушъом­бгъу. Президентскэ платформэу «Урысыер — амалышIухэр зыIэкIэлъ къэралыгъу» зыфиIорэр ныбжьыкIэхэм ясэнаущыгъэ агъэфедэнэу, ягухэлъхэр пхыращынхэу джыри зы амал къэзытырэ лъэ­ныкъу. ТикIэлэеджакIоу, студентэу платформэм изэнэкъокъухэм ыкIи ипроектхэм ахэлажьэхэрэр ащкIэ щысэу къэпхьынхэ плъэкIыщт. Специалист ныбжьыкIэхэр республикэми, хэгъэгуми янеущырэ мафэх. Зэзэгъыныгъэу непэ тызыкIэтхагъэр Адыгеим иныбжьыкIэу сэнаущыгъэ зыхэлъхэм IэпыIэгъу афэ­хъугъэнымкIэ джыри зы лъэбэкъу хъугъэ», — къыIуагъ Адыгэ Республикэм и ЛIышъхьэу КъумпIыл Мурат.Президентскэ платформэу «Урысыер — амалышIухэр зыIэкIэлъ къэралыгъу» зыфиIорэм ипроектхэмрэ изэнэкъокъу­хэмрэ АР-м щызэхэщэгъэнхэмкIэ лъэны­къо пстэумкIи IэпыIэгъу етыгъэнэу тхы­лъым къыщыдэлъытагъ. Зэзэгъэныгъэм ыпэкIэ зэрэзэдэлажьэщтыгъэхэм джыри нахь зызэрэригъэушъомбгъущтым имызакъоу, сэнаущыгъэ зыхэлъ ныбжьыкIэхэм IэпыIэгъу ятыгъэным, зэнэкъокъу­хэм, нэмыкI Iофтхьабзэхэм язэхэщэн, проектхэм япхырыщын алъэныкъокIэ амалыкIэхэр къытыщтых.«Адыгэ Республикэр хэхъоныгъэ ашIыным ыкIи янеущырэ мафэкIэ пшъэдэ­кIыжь ахьыным фэхьазыр цIыфхэр зыщыпсэурэ шъолъыр. Илъэсиим лъэIу тхылъ мин 62-м ехъу къатыгъ, текIоныгъэ къыдэзыхыгъэхэр нэбгыри 119-рэ. «Сихэгъэгу — си Урысый» зыфиIорэ зэнэкъокъоу кIэлэегъаджэхэмрэ гъэса­кIохэмрэ зэзыпхыхэрэр анахь ашIогъэ­шIэгъон. Зэзэгъыныгъэу тызыкIэтхагъэм Адыгеим щыпсэухэрэм амалыкIэхэр къаритыщтых», — къыхигъэщыгъ платформэу «Урысыер — амалышIухэр зы­IэкIэлъ къэралыгъу» зыфиIорэм ипа­щэу, гъэIорышIэным и Мастерскоеу «Сенеж» зыфиIорэм иректорэу Андрей Бетиным.Президентскэ платформэм къыщыдэлъытэгъэ проектхэм, зэнэкъокъухэм Адыгеим щыпсэухэрэр нахьыбэу ахэлэжьэнхэм зэзэгъыныгъэр фытегъэпсы­хьагъ. Джащ фэдэу зэнэкъокъухэм лъэныкъоу яIэщтхэр ыгъэнэфэнхэу шъолъы­рым и Правительствэ амал къыреты.А зэпстэуми анэмыкIэу Адыгэ Рес­публикэмрэ платформэу «Урысыер —амалышIухэр зыIэкIэлъ къэралыгъу» зы­фиIорэмрэ проектхэм, зэнэкъокъухэм ахэлэжьэнхэ амал зэряIэмкIэ цIыфхэм макъэ ягъэIугъэным, пресс-Iофтхьабзэ­хэр, Iэнэ хъураехэр, хэушъхьафыкIыгъэ проектхэр къэбар жъугъэм иамалхэм афызэхэщэгъэнхэм, яIофшIэн тегущыIэнхэу общественнэ еплъыкIэхэр къизыIотыкIыщтхэр къегъэблэгъэгъэнхэм алъэныкъокIи Iоф зэдашIэщт.АР-м и ЛIышъхьэ ипресс-къулыкъу къыгъахьыгъэ къэбархэмкIэТхьаркъохъо Сафыет, ЛIышэ Саныет, ХЪУТ Нэфсэт.