Студент унагъохэу сабый къызфэхъухэрэм сомэ мин 200 Адыгеим щаратызэ ашIыщт.
Сабыеу къэхъухэрэм япчъагъэ нахьыбэ шIыгъэным фытегъэпсыхьагъэу хэбзэгъэуцугъэм ипроек-тэу Адыгэ Республикэм и Министрэхэм я Кабинет Къэралыгъо Совет — Хасэм къыхилъхьагъэм парламентариехэр хэплъагъэх, ар студент унагъом сабый къихъухьэмэ, зэтыгъоу сомэ мин 200 етыгъэным фэгъэхьыгъ.Урысые Федерацием IофшIэнымкIэ ыкIи социальнэ ухъумэнымкIэ и Министерствэ иметодическэ унашъохэм ыкIи шъолъыр программэхэм къадыхэлъытагъэу ар агъэхьазырыгъ.Сомэ мин 200-р къафэхъурэ сабый пэпчъ ратызэ ашIыщт. Ау мыщ дэжьым къыхэгъэщыгъэн фае, ны-тымэ аныбжь илъэс 35-м шIокIыгъэ хъущтэп, нэбгыритIури республикэм щыпсэунхэ, гурыт сэнэхьат ыкIи апшъэрэ гъэсэныгъэ программэхэмкIэ Адыгэ Республикэм къыхиубытэрэ шъолъырым ит организациехэм ащеджэнхэ фае. Сабыеу къэхъурэр республикэм щатхыныри хэбзэгъэуцугъэм къыделъытэ.ПэшIорыгъэшъэу зэрагъэнафэрэмкIэ, 2026-рэ илъэсым ащ фэдэ унагъохэм япчъагъэ 33-рэ хъущт. Мы зэтыгъо тыныр нэмыкIхэм япхыгъэщтэп, зытефэхэрэм шIокI имыIэу аратыщт.