«Зэкъошныгъэм» ешIэгъур къыхьыгъ

ФутболымкIэ Урысыем ипервенствэ иятIонэрэ лигэ хэт «Зэкъошныгъэм» я 9-рэ турым къыдыхэлъытэгъэ ешIэгъоу Назрань щыриIагъэм мэхьанэшхо зиIэ текIоныгъэ къыщыдихыгъ, тикомандэ «Ангушт» дешIагъ. Стадионэу Р. Аушевым ыцIэ зыхьырэм щыкIогъэ зэIукIэгъум нэбгырэ 260-рэ еплъыгъ.

«Ангушт» — «Зэкъошныгъ» — 0:1 (0:1).Къэлапчъэм Iэгуаор дэзыдзагъэр: Iащэр (я 19-рэ такъикъыр, пенальтикIэ).«Ангушт» хэтыгъэх:Хаштыровыр (къэлэпчъэIут), Гари, Бабахановыр, Кириленкэр (Агасян), Абубакаровыр, Ахильговыр, Евлоевыр, Юсуповыр, Зайнавовыр, Оздоевыр (Аушевыр), Тутаевыр.Тренер шъхьаIэр — Умар Мархиевыр.«Зэкъошныгъэм» щешIагъэх:Хачировыр (къэлэпчъэIут), Блэгъожъыр, Къэбжыр, Солоп, Цанава, Черджиевыр, Васильевыр (Зезэрахьэр), Коблыр (Хьэхыр), Юшко, Iащэр (Антоненкэр), Де­лэкъор (Къонэр).Тренер шъхьаIэр — Александр Кайвановыр.Мы командэхэр турнир таблицэм щызэпэгъунэгъоу щытых. «Зэкъошныгъэм» текIоныгъэр къыфыдэзыхыгъэ Iэгоо закъор я 19-рэ такъикъым къэлапчъэм дадзагъ. Iащэ Анзор пенальти ыгъэцэкIагъ, тифутболист зыдэогъэ лъэныкъор къэлэпчъэIутым къышIагъ, ау Iэгуаор къыубытын ылъэкIыгъэп. ЯтIонэрэ таймым бысымхэм пчъагъэр зэфэдиз ашIыным фэбэнагъэх, ау хьакIэхэм ар къадагъэхъугъэп, мыщ дэжьым цыхьэшIэгъоу ешIагъ тикъэлэпчъэ­Iутэу Тамерлан Хачировыр. ЗэIукIэгъур 1:0-у аухыгъ, «Зэкъош­ныгъэм» очкоуи 3 къыхьыгъ.Я 9-рэ турым изэфэхьысыжьхэр:«Шахтер» — «Заря» — 2:1, «Нарт» — «Спартак-Налщык» — 1:0, «Кызылташ» — «Севастополь» — 0:2, «ПСК» — «Рубин Ялта» — 3:1, «Победа» — «Нефтяник» — 7:0, «Ангушт» — «Зэкъошныгъ» — 0:1, «Ростов-2» — «Чайка-М» — 5:0, «Динамо-2» — «Астрахань» — 0:2.Турнир таблицэм пэрытныгъэр щиIыгъ донецкэ «Шахтерым», «Зэкъошныгъэр я 10-рэ чIыпIэм щыт. Тикомандэ жъоныгъуакIэм и 30-м Севастополь щешIэщт.Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Шахтер» — 22.
2. «Севастополь» — 20.
3. «Ростов-2» — 18.
4. «ПСК» — 16.
5. «Спартак-Налщык» — 15.
6. «Победа» — 14.
7. «Нарт» — 14.
8. «Рубин Ялта» — 14.
9. «Кызылташ» — 14.
10. «Зэкъошныгъ» — 14.
11. «Ангушт» — 13.
12. «Астрахань» — 9.
13. «Нефтяник» — 9.
14. «Заря» — 6.
15. «Динамо-2» — 4.
16. «Чайка-М» — 1.