Iэшъынэ А.
Адыгеим ичIыгулэжьхэм гъэтхэсэ лэжьыгъэр халъхьанэу гектар мин 95-рэ агъэнэфагъ. Ащ щыщэу мы уахътэм 50,4-р ары апхъыгъэр.
АР-м мэкъумэщ хъызмэтымкIэ и Министерствэ къызэрэщаIуагъэмкIэ, хьэр, зэнтхъыр, натрыфыр, хьарыхъу джэнчыр, пынджыр ахалъхьанэу агъэнэфэгъэ гектар мин 22,4-м мин11,6-р хагъэкIыгъ. «Техническэ культурэкIэ» алъытэрэ тыгъэгъазэр, соер зытырапхъагъэр мин 35,2-рэ мэхъу, пстэумкIи гектар мин 68,2-рэ халъхьэн фае.БылымIус ашIыщтхэм, илъэс пчъагъэхэм къэкIыжьырэ ыкIи гъэ къэс апхъыжьырэ уцхэм, натрыфым, гектар мини 3,3-рэ арагъэубытын гухэлъ яI, минрэ шъибгъурэр апхъыгъ. Уц Iэзэгъухэмрэ эфирнэ дагъэ зыхашIыкIхэрэмрэ япхъын аухы пIоми хъущт, гектар минэу агъэнэфагъэм 935-р хагъэкIыгъ. ХэтэрыкIхэм, къэбжъыем, нэшэ-хъырбыдзхэм, картофым апае агъэнэфэгъэ гектари 183-м щыщэу 59-м ехъу халъхьагъ.Джащ фэдэу хъызмэтшIапIэхэм бжыхьэсэ лэжьыгъэу мыгъэ Iуахыжьыщтхэм ятIонэрэ гъогогъоу зэ-ряшIушIэщтхэр аухыгъ. Ахэр пстэумкIи гектар мини 112,6-рэ мэхъу.