ИлъэсипшIымкIэ къэгъэлъэгъон анахь дэгъу

ГандболымкIэ Урысыем ипервенствэ хэлэжьэрэ «АГУ-Адыиф-2» зыфиIорэм 2025 — 2026-рэ илъэсхэм ателъытэгъэ лъэхъаныр ыухыгъ.

Ащ я 7-рэ чIыпIэр къыдихыгъ, мы аужырэ илъэсипшIыр пштэмэ, ар къэгъэлъэгъон анахь дэгъу.Тикомандэ зэIукIэгъу 44-рэ иIагъ, ешIэгъу пэпчъ текIоныгъэм щыфэбэнагъ, лъэбэкъу цIыкIухэр ышIызэ ыпэкIэ лъыкIотагъ. ТапэкIи иешIакIэ ригъэхъунымкIэ, игъэхъагъэхэм ахигъэхъонымкIэ амалышIухэр зэрэIэкIэлъхэр къыгъэлъэгъуагъ. АщкIэ зишIогъэшхо къэ­кIуагъэр тренерэу Анна Гермашевар ары. Ащ пэщэныгъэ адызэрихьэзэ тиспортсменкэ ныбжьыкIэхэм яухьазырыныгъэ хагъэхъуагъ, тигандбол неущырэ мафэ зэриIэр якъэгъэлъэгъонхэмкIэ къагъэшъыпкъэжьыгъ.Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «ЦСКА-2» — 85.
2. «Лада-СШОР» — 66.
3. «Черноморочка-2» — 65.
4. «Кубань-2» — 64.
5. «Астраханочка-СШОР» — 62.
6. «Динамо-Синара-2» — 58.
7. «АГУ-Адыиф-2» — 34.
8. «Луч-2» — 31.
9. «Ростов-Дон-3» — 30.
10. «Звезда-2» — 25.
11. «Университет-2» — 7.
12. «СШ N 13 «Алиса» — 1.