Адыгэ Республикэм ит гъэсэныгъэ организациехэм я Спартакиадэ иапэрэ едзыгъо Мыекъуапэ щыкIуагъ.
Муниципалитетхэм якомандэ анахь лъэшхэр мыщ щызэIукIагъэх, къэкIон зымылъэкIыгъэхэр Шэуджэн районымрэ Адыгэкъалэрэ.Я 5 — 7-рэ классхэм арысхэр ары зызыушэтыгъэхэр. Командэм кIэлитIурэ пшъэшъитIурэ хэтыгъ. Нэбгырэ пэпчъ ешIэгъуитфым къыщегъэжьагъэу хым нэс иIагъ. Хабзэ зэрэхъугъэу, Мыекъуапэ, Красногвардейскэ ыкIи Тэхъутэмыкъое районхэм ялIыкIохэр ары медальхэм афэбэнагъэхэр.Мыекъуапэхэр ыкIи красногвардейцэхэр тэхъутэмыкъуаехэм атекIуагъэх. АпэритIур финалым ихьагъэх, пчъагъэр зэфэдизэу унэе зэнэкъокъухэр аухыгъэх. Ащ къыхэкIэу зэхэпхъэгъэ командэхэм зэIукIэгъу тедзэ яIагъ. Ащ текIоныгъэр къыдэзыхыщтыр къыгъэнэфэнэу щытыгъ. Мыекъопэ гурыт еджапIэу N 7-м щеджэхэрэ Бзаго Дамиррэ Пэфыф Суандэрэ, Хьатикъое гурыт еджапIэу N 2-м илIыкIохэу Къатмэс Умаррэ Алина Трофимовамрэ аIукIагъэх. 2:0-у республикэм икъэлэ шъхьаIэ итеннисистхэм текIоныгъэр къыдахыгъ, пчъагъэр 3:2-у командэхэм язэнэкъокъу аухыгъ. Чемпионхэм ахэтыгъэх Мерэм Амиррэ Арина Жуковамрэ. Тэхъутэмыкъуаехэр ящэнэрэх.Iофтхьабзэм кIэщакIо фэхъугъ Адыгеим физическэ культурэмкIэ ыкIи спортымкIэ и Комитет.