ДзюдомкIэ шъолъыр мэхьанэ зиIэ зэнэкъокъухэр къалэу Ермэлхьаблэ щырагъэкIокIыгъэх.
Мыщ зыныбжь илъэс 18-м емыхъугъэ кIалэхэр ыкIи пшъашъэхэр хэлэжьагъэх. Урысыем икIэлэеджакIохэм яя XIII-рэ гъэмэфэ Спартакиадэ хэлэжьэщтхэм яхэшыпыкIын едзыгъоу мыр щытыгъ. Анахь лъэшхэр Къыблэ федеральнэ шъолъырым икомандэ хэхьанхэ алъэкIыщтыгъ.Адыгеир спортсмен 13-мэ къагъэлъэгъуагъ: кIэли 9-мэ ыкIи пшъэшъи 4-мэ. Ахэм ащыщэу нэбгыриплIым Спартакиадэм икIэух едзыгъо хэлэжьэнхэмкIэ фитыныгъэ къыдахыгъ: Абдурауф Лоиковым, Къэлъэшъэо Астемир, Тахир Буговым ыкIи Бэгъушъэ Алинэ.Джащ фэдэу тилIыкIохэм хагъэунэфыкIырэ чIыпIэхэри къыдахыгъэх. ОелI Эльдар тыжьынмедаль къыхьыгъ. Мэрэтыкъо Бислъан, Хьаджэкъо Чиназ ыкIи Ахэджэго Айдар джэрзмедальхэр къафагъэшъошагъэх.Зэнэкъокъухэм къагъэлъэгъуагъ узщыгугъын плъэкIыщт дзюдоист ныбжьыкIэхэр Адыгеим зэриIэхэр. Урысыем икIэлэеджакIохэм яя XIII-рэ гъэмэфэ Спартакиадэ гъэхъэгъэшIухэр щашIынхэу тиспортсменхэм тафэлъаIо.