Хэгъэгу зэошхом ТекIоныгъэр къызщыдахыгъэр илъэс 81-рэ зэрэхъурэм фэгъэхьыгъэу шахматхэмкIэ зэнэкъокъухэр мы мафэхэм зэхащагъэх.
УблэпIэ классхэм арыс кIэлэеджакIохэр ары зызыушэтыгъэхэр. Ахэр республикэм имуниципалитети 5-мэ ялIыкIох.Адыгеим икъэлэ шъхьаIэ къагъэлъэгъуагъ технопаркэу «Кванториумым» зыщызыгъасэхэрэм, кIэлэцIыкIухэм ыкIи нахьыжъхэм ятворчествэ хэхъоныгъэ ышIыным фытегъэпсыхьэгъэ Гупчэм чIэсхэм. Мы командэхэр ары пэрытныгъэм фэбэнагъэхэри. «Кванториумым» очко 18,5-рэ ригъэкъугъ ыкIи апэрэ чIыпIэр къыдихыгъ. Максим Сафаргалеевыр, Хъурым Темир, ЦIыкIу Эмир, Пхэнэе Данэ чемпион хъугъэх. Джэрз медальхэр афагъэшъошагъэх къуаджэу Кощхьаблэ икIэлэцIыкIу-ныбжьыкIэ спорт еджапIэ зыщызыгъасэхэрэм.