Дунэе зэнэкъокъу-фестивалым илауреатэу, орэдыIоу Хъу­рэ­нэ Азэ Адыгэ Республикэм имэфэкI зэхахьэхэм ахэлажьэ.

Ижъырэ адыгэ орэдхэр, адыгэ пшъа­шъэм фэгъэхьыгъэр, шIулъэгъум ехьы­лIагъэхэр, нэмыкIхэри Хъурэнэ Азэ къеIох.

«Нартхэм ячIыналъ» зыфиIорэ фестивалым Къыблэм, Темыр Кавказым яорэдыIохэр щызэIукIагъэх. Хъурэнэ Азэ мэкъэ Iэтыгъэ дахэкIэ лъэпкъ орэдэу ыгъэжъынчыгъэр гум рихьыгъ.

— Лъэпкъ искусствэр сшIогъэшIэгъон, — игупшысэхэм тащегъэгъуазэ Хъурэнэ Азэ. — Сшыпхъоу Ларисэ адыгэ шъуашэхэр, лъэпкъ тхыпхъэхэр едых. Ащ сыкIырыплъызэ, сэри IэпэIасэхэм яфестивальхэм сахэлажьэу езгъэжьагъ. Бгъэфедэн плъэкIыщт искусствэм сыпылъ, шIухьафтын ашIыхэрэ лъэпкъ тхыпхъэхэр сэшIых.

Адыгэ Республикэр зыщыIэр илъэс 30 зэрэхъурэм, къэралыгъо гъэпсыкIэ иIэу Адыгеир зыпсэурэр илъэси 100 зэрэ­хъурэм афэгъэхьыгъэхэ зэхахьэхэм Хъурэнэ Азэ орэд къащиIощт. Мэкъэ дахэкIэ, нэплъэгъу рэхьаткIэ орэдыр къы­Iоныр регъажьэ. Лъэпкъ искусствэм ибаиныгъэхэр цIыфхэм алъигъэIэсызэ, гушIуагъо къафехьы.

Сурэтым итыр: Хъурэнэ Аз.