Темрезов Рэщыд Къэрэщэе-Щэрджэс Республикэм и ЛIышъхьэу икIэрыкIэу хадзыжьыгъ. Адыгэ Республикэм и ЛIышъхьэу КъумпIыл Мурат ащкIэ ткъош республикэм ипащэ фэгушIуагъ, Iофэу рахьыжьэхэрэм гъэхъагъэ ащашIынэу, псауныгъэ пытэрэ щыIэкIэ-псэукIэ дэгъурэ яIэнэу ЛIышъхьэми, КъЩР-м щыпсэу­хэрэми афэлъэIуагъ.

— Къэрэщэе-Щэрджэс Республикэм исхэми, Урысые Федерацием и Президентэу Владимир Путинми цыхьэ зыфашIырэ пащэр депутатхэм зэрэхадзы­жьыгъэм къыгъэлъагъорэр Къэрэщэе-Щэрджэсыр амалышхо зиIэ, псынкIэу хэхъоныгъэ зышIырэ шъолъырэу зэрэщытыр, Темрезов Рэщыдрэ ащ Iоф къыдэзышIэхэрэмрэ ар зэрягъэхъагъэр ары, — ритхагъ инстраграмым Адыгэ Республикэм и ЛIышъхьэ.

Къэрэщэе-Щэрджэс Республикэм тапэкIи зэхъокIыныгъэхэр зэришIыщтхэм, Темрезов Рэщыд опытэу, шIэныгъэу иIэр респуб­ликэм иэкономикэрэ социальнэ лъэныкъомрэ хэхъоныгъэ ягъэшIыгъэным, цIыфхэм ящыIэкIэ-псэукIэ зыкъегъэIэтыгъэным зэрафигъэIорышIэщтым ицыхьэ зэрэтелъыр КъумпIыл Мурат хи­гъэу­нэфыкIыгъ.