Пыдзэфэ пытэхэм ядэщын пае атырэр афыкIалъытыкIыжьынэу шъолъыр операторым нэбгырабэмэ зыкъыфагъазэ. Ащ фэшI шапхъэу пылъхэм ягугъу къэтшIымэ тшIоигъу.

Унэм нэбгырэ пчъагъэу итхагъэм елъытыгъэу хэкIыр зэрэIуащырэм ыуасэ Адыгеим щыпсэухэрэм къафа­лъытэ. Шъхьадж адресэу зыщыпсэурэмкIэ ар еты, кощыгъэмэ, зыдэкIуагъэм щитыщт. ГущыIэм пае, унагъом исхэм ащыщ охътэ гъэнэфагъэкIэ ипсэупIэ зэблихъугъэмэ, къинэгъэ нэбгырэ пчъагъэр нахь макIэ зэрэхъугъэм фэшI хэкIыр зэрэIуащырэм ыуасэ икIэрыкIэу къарагъэлъытэжьынэу фитыныгъэ яI. НэмыкI адрес кIуагъэми «ЭкоЦентрэм» макъэ ригъэIун фае. Ар зыдэкIуагъэм щатыщтыри кIалъытыкIыжьыщт.

Унагъом исхэм ащыщ еджакIо е Iоф ышIэнэу нэмыкI чIыпIэ кIуагъэмэ, ар къэзыушыхьатырэ тхылъыр унэр зыем шъолъыр операторым рихьылIэмэ, икIэрыкIэу къыфалъытэжьыщт. Мэзих зытешIэрэм ыуж унэм исым ипчъагъэ зыпари зэхъокIыныгъэ фэмыхъумэ, джыри зэ лъэIу тхылъыр ытын фае.

«ЭкоЦентрэм» иофисхэр зыдэщыIэхэр джыри зэ шъугу къэтэгъэкIыжьы: къалэу Мыекъуапэ, урамэу Пионерскэр, 297, поселкэу Яблоновскэр, урамэу Школьнэр, 10/1. Интернет нэкIубгъоу https://adygeya.clean-rf/ru зыфиIорэми тхылъхэр щыптынхэ плъэкIыщт.

ООО-у «ЭкоЦентр» зыфиIорэм и Адыгэ шъолъыр къутамэ ипресс-къулыкъу.