Федеральнэ проектэу «ПсэупIэр» зыфиIорэм игъэцэкIэн къыдыхэлъытагъэу 2030-рэ илъэсым нэс псэупIэ квадратнэ метрэ миллиони 2-рэ мин 622-рэ Адыгэ Республикэм щатын фае. 2021-рэ илъэсым а къэгъэлъэгъоныр квадратнэ метрэ мин 257-рэ мэхъу, ау гухэлъэу щыIэр квадратнэ метрэ мин 300.

Илъэсэу тызхэтым имэзий псэупIэ квадратнэ метрэ мин 252,9-рэ республикэм щатыгъ, блэкIыгъэ илъэсым мыщ фэдэ иуахътэ егъэпшагъэмэ, ар проценти 183-рэ мэхъу.

«ПсэолъэшIыныр» зыфиIорэ лъэныкъор пштэмэ, 2021-рэ илъэ­сым Iоныгъом и 1-м ехъулIэу республикэм щызэшIуахыгъэ Iоф­шIэныр ыпэрэ илъэсым мыщ фэдэ иуахътэ егъэпшагъэмэ, проценти 158,1-рэ, блэкIыгъэ мазэм телъытагъэмэ – процент 203,9-рэ мэхъу.