Адыгэ Республикэм и Къэралыгъо Совет – Хасэм идепутатхэм яхэдзынэу 2021-рэ илъэсым Iоныгъом и 19-м щыIэщтым Красногвардейскэ районым зы мандат зиIэ ихэдзыпIэ коеу N 6-мкIэ мэкъэтыныр зэрэщызэкIахьэрэм ехьылIагъ

Адыгэ Республикэм хэдзынхэмкIэ и Гупчэ комиссие 2021-рэ илъэсым Iоныгъом и 11-м ышIыгъэ унашъоу N 133/682-7-р зытетымкIэ Красногвардейскэ районым зы мандат зиIэ ихэдзыпIэ коеу N 6-мкIэ Адыгэ Республикэм и Къэралыгъо Совет – Хасэм идепутатынымкIэ кандидатэу Ляшенко Ирина Иван ыпхъур зэрэщатхыгъагъэм кIуачIэ имыIэжьэу алъытагъ. Ащ епхыгъэу макъэ затыщт мафэм ехъулIэу Красногвардейскэ районым зы мандат зиIэ ихэдзыпIэ коеу N 6-мкIэ къэнэжьырэр Адыгэ Республикэм и Къэралыгъо Совет – Хасэм идепутатынымкIэ зы кандидат ныIэп.

ЫпшъэкIэ зигугъу къэтшIыгъэхэр къыдилъытэзэ, Адыгэ Республикэм и Законэу 2005-рэ илъэсым шышъхьэIум и 4-м аштагъэу N 351-р зытетэу «Адыгэ Республикэм и Къэралыгъо Совет – Хасэм идепутатхэм яхэдзын ехьылIагъ» зыфиIорэм ия 49-рэ статья ия 9-рэ Iахь IэубытыпIэ къызыфишIызэ, Адыгэ Республикэм хэдзынхэмкIэ и Гупчэ комиссие унашъо ышIыгъ:

1. НэмыкI кандидатхэр къэгъэлъэгъогъэнхэм, ищыкIэгъэ хэдзын Iофтхьабзэхэр зехьэгъэнхэм апае Адыгэ Республикэм и Къэралыгъо Совет – Хасэм идепутатхэм яхэдзын пае Красногвардейскэ районым зы мандат зиIэ ихэдзыпIэ коеу N 6-мкIэ мэкъэтыныр зэкIэхьэгъэнэу.
2. Красногвардейскэ районым зы мандат зиIэ ихэдзыпIэ коеу N 6-мкIэ Адыгэ Республикэм и Къэралыгъо Совет – Хасэм идепутат ихэдзын зыгъэхьазырырэ хэдзэкIо комиссиехэм 2021-рэ илъэсым Iоныгъом и 19-м хэдзыныр зэхэщэгъэным епхыгъэ Iофтхьабзэхэр щагъэтынхэу.
3. Красногвардейскэ районым ичIыпIэ хэдзэкIо комиссие 2021-рэ илъэсым Iоныгъом и 15-м нахь мыгужъоу Адыгэ Республикэм и Къэралыгъо Совет – Хасэм идепутатхэм яхэдзынэу 2021-рэ илъэсым Iоныгъом и 19-м щыIэщтым къыдыхэлъытагъэу Красногвардейскэ районым зы мандат зиIэ ихэдзыпIэ коеу N 6-м амакъэ щатыным фытегъэпсыхьэгъэ бюллетеньхэр ритхыкIыжьынхэу ыкIи зэрэгъэнэфэгъэ шIыкIэм тетэу ахэр агъэкIодыжьыфэ нэс ыIыгъынхэу.
4. Адыгэ Республикэм и Къэралыгъо Совет – Хасэм идепутатхэм яхэдзынкIэ Красногвардейскэ районым зы мандат зиIэ ихэдзыпIэ коеу N 6-м мэкъэтыныр 2021-рэ илъэсым тыгъэгъазэм и 19-м щызэхащэнэу.
5. Мы унашъор зэрагъэцакIэрэм Адыгэ Республикэм хэдзынхэмкIэ и Гупчэ комиссие исекретарэу Ф. З. ХьацIацIэм гъунэ лъифынэу.
6. Мы унашъор республикэ гъэзетхэу «Советскэ Адыгеимрэ» «Адыгэ макъэмрэ» къащыхэутыгъэнэу.

Адыгэ Республикэм хэдзынхэмкIэ и Гупчэ комиссие и Тхьаматэу Н. А. Сэмэгу

Адыгэ Республикэм хэдзынхэмкIэ и Гупчэ комиссие исекретарэу Ф. З. ХьацIацI

къ. Мыекъуапэ,

Iоныгъом и 13, 2021-рэ илъэс

N 134/689-7