Непэ – адыгэхэм я Маф. «Тызэкъотмэ – тылъэш» зыфиIорэ гущыIэхэр къагъэшъыпкъэжьхэзэ Къэбэртэе-Бэлъкъар Респуб­ликэм 2014-рэ илъэсым щагъэнэфэгъэ мэфэкIыр адыгэу тыди щыпсэурэмэ агъэлъапIэ, хагъэунэфыкIы.

Тилъэпкъ ищыIэкIэ-псэукIэ, икультурэ, ихабзэхэм афэгъэхьыгъэу зэкъош республикэхэм, Адыгеим, Къэбэртэе-Бэлъкъарым, Къэрэщэе-Щэрджэсым, IэкIыбым щыпсэухэрэри къытхэтхэу гъэзет къыдэкIыгъохэр дгъэхьазырхэу тихабзэ. Мы мафэри блэдгъэ­кIыгъэп.

Лъэпкъым къырыкIуагъэм щыщ пычыгъохэм, итарихъ, гъэхъагъэхэр зиIэ цIыфхэм ащыщхэм ягугъу къышъуфэтэшIы.

Нафэ зэпстэури зы къыдэкIыгъом къибгъэхьан зэрэмылъэкIыщтыр, адыгэу тарихъ бай зиIэм икъэбар егъашIэми пIотэн плъэкIыщт, ау зы номерым амалэу къытырэм елъытыгъэу тиIофшIэни дгъэпсыгъэ. ТапэкIэ тигъэзетхэм щыIэныгъэ кIыхьэ яIэным тыщыгугъызэ, тилъэпкъи бэгъашIэу, хахъоу ышIыхэрэр къэдгъэлъэгъоным тицыхьэ телъэу тизэхэт номер шъуе­джэнэу шъуетэ­гъэблагъэ!