Урысыем футболымкIэ иапшъэрэ куп хэт клубхэм я 7-рэ ешIэгъухэр яIагъэх.

Пчъагъэхэр

«Локомотив» — «Крылья Советов» — 2:0, «Зенит» — «Ахмат» — 3:1, «Спартак» — «Химки» — 3:1, «Шъачэ» — «Уфа» — 3:1, «Арсенал» — ЦСКА – 2:2, «Динамо» — «Нижний Новгород» — 1:2, «Рубин» — «Урал» — 4:0, «Ростов» — «Краснодар» — 1:1. Апэ ишъыщтхэр

ХагъэунэфыкIыхэрэ чIыпIэхэр къыдэзыхы зышIоигъо клубхэр бэ мэхъух. «Зенит» дышъэм нэмыкI фэмыбанэу тренер шъхьаIэу Сергей Семак къыIуагъ.

Ижъырэ адыгэ къалэу Шъачэ иешIакIохэр ятIонэрэ чIыпIэм нэсыгъэх, ау тренер шъхьаIэу Владимир Федотовым мурадэу яIэр хигъэунэфыкIыгъэгоп.

«Краснодар» «Ростов» зыдешIэм, Спайч икъэлапчъэ Iэгуа­ор дидзэжьыгъ. Кабеллэ я 42-рэ такъикъым пенальтир зегъэцакIэм, къэлэпчъэпкъым блэугъ. Сперцян я 65-рэ такъикъым «Ростов» икъэлапчъэ Iэгуаор дидзагъ – 1:1.

«Динамэм» иешIакIоу Макаровым я 13-рэ такъикъым «Нижний Новгород» икъэлапчъэ Iэгуаор зыдедзэм, текIоныгъэр къыдихыщтэу бэмэ къащыхъущтыгъ. Тренер шъхьаIэу Александр Кержаковыр зипэщэ «Нижний Новгород» иешIакIохэу Горбуновымрэ Калинскэмрэ я 75-рэ ыкIи я 83-рэ такъикъхэм пчъагъэр зэрахъокIыгъ, 2:1-у текIоныгъэр «Динамэм» къышIуахьыгъ.

«Спартак» иешIакIэ хегъахъо. Дантас, Промес, Понсе зэрызэ хъагъэм Iэгуаор радзагъ. Илъэс заулэкIэ узэкIэIэбэжьмэ, «Спартак» дэгъоу щешIэщтыгъэ Глушаковыр мы уахътэм «Химки» икапитан. Метрэ 18 – 19 фэдизкIэ зыпэчыжьэ къэлапчъэм тазыр­кIэ Глушаковыр дауи, пчъагъэр 1:3 хъугъэ.

ЧIыпIэхэр

1. «Зенит» — 17 2. «Шъачэ» — 15 3. «Локомотив» — 15 4. «Рубин» — 14 5. «Динамо» — 13 6. «Нижний Новгород» — 11 7. «Краснодар» — 10 8. ЦСКА – 10 9. «Спартак» — 10 10. «Ахмат» — 9 11. «Крылья Советов» — 7 12. «Ростов» — 6 13. «Химки» — 6 14. «Уфа» — 5 15. «Арсенал» — 5 16. «Урал» — 2.

Я 8-рэ зэIукIэгъухэр

18.09 «Уфа» — «Химки» «Кр. Советов» — «Ростов» «Ахмат» — «Краснодар» 19.09 «Н. Новгород» — «Арсенал» «Шъачэ» — «Динамо» 20.09 «Урал» — «Локомотив» «Рубин» — «Зенит» ЦСКА – «Спартак».

Я 7-рэ ешIэгъухэм ахэлэжьагъэхэр зэтэгъапшэх. ЯзэIукIэгъу­хэр 0:0-у зыми ыухыгъэп. Я 8-рэ ешIэгъухэм хырыхыхьэу ахэтлъагъорэр макIэп. «Ахмат», «Шъачэ», «Рубин», ЦСКА-м, нэмыкIхэм яешIэгъухэр зэраухыщтхэр къэшIэгъуае.