Пыдзэфэ пытэхэм ядэщын фэгъэзэгъэ шъолъыр операторыр хэлажьэзэ Адыгеим щызэхащагъ Iофтхьабзэу «Горная река – чистые берега» зыфиIорэр.

Илъэсищ хъугъэу чIыопсым икъэухъумэнкIэ мыкъэралыгъо Гупчэу «НАБУ-Кавказ» зыфиIорэр кIэщакIо фэхъушъ, волонтерхэм псыхъо нэпкъхэм хэкIэу аIулъыр къаугъои, ООО-у «ЭкоЦентрэм» иавтомашинэхэм ар Iуащы.

Тыкъэзыуцухьэрэ дунаим зыгу фэгъоу, ащ икъэухъумэн ыгъэгумэкIыхэрэр зэкIэр мыщ хэлэжьэнхэ алъэкIыщт. Псыхъохэм, псыхъураехэм ачIэ, янэпкъхэр гъэкъэбзэгъэнхэр ары Iофтхьабзэм ипшъэрылъыр. «НАБУ-Кавказым» иофис Iэбыцохэмрэ дзыохэмрэ къыщатых. ХэкIыр игъом Iуищыным пае ар къызщаугъоищт уахътэм пэшIорыгъэшъэу щагъэгъозэнэу шъолъыр операторыр къыкIэлъэIу.

Iофтхьабзэр чъэпыогъу мазэм нэс кIощт.

ООО-у «ЭкоЦентрэм» и Адыгэ шъолъыр къутамэ ипресс-къулыкъу.