Фондым зэхищэрэ зэнэкъокъухэр
Урысые Федерацием щыпсэурэ цIыф лъэпкъхэм яныдэлъфыбзэхэм якъэухъумэнкIэ ыкIи язэгъэшIэнкIэ Фондым ООН-м чIыпIэрыс лъэпкъхэм яилъэсипшIыкIэ ыгъэнэфэгъэ (2022 – 2032-рэ илъэсхэр) уахътэм ехъулIэу мыщ фэдэ лъэныкъохэмкIэ зэнэкъокъухэр зэхещэх:
— Урысые Федерацием щыпсэурэ цIыф лъэпкъхэм яныдэлъфыбзэхэр зэгъэшIэгъэнхэм ыкIи нэмыкIхэм алъыгъэIэсыгъэнхэм афэгъэхьыгъэ ныбжьыкIэ проектхэм IэпыIэгъу ятыгъэныр;
— Урысые Федерацием щыпсэурэ цIыф лъэпкъхэм яныдэлъфыбзэхэр къэухъумэгъэнхэмкIэ ыкIи хэхъоныгъэ ягъэшIыгъэнымкIэ анахь зигъо Iофыгъохэм япхыгъэ Iофтхьабзэхэр (республикэ, урысые, дунэе конференциехэр, семинархэр, Iэнэ хъураехэр ыкIи нэмыкIхэр) зэшIохыгъэнхэмкIэ адеIэнхэр.
Зэнэкъокъухэр зыфытегъэпсыхьагъэхэр Урысыем щыпсэурэ лъэпкъхэм яныдэлъфыбзэхэм лъэныкъо пстэумкIи хэхъоныгъэ ягъэшIыгъэныр, зэрагъэшIэнхэмкIэ амалышIухэр ягъэгъотыгъэнхэр ары. Мыщ къыхэлэжьэнхэу рагъэблагъэх юридическэ лицэхэу УФ-м ихэбзэгъэуцугъэ къызэрэдилъытэрэм тетэу зэнэкъокъухэр зэхащэнхэм ыпэкIэ зы илъэсым нахь мымакIэу къэнагъэр регистрацие ашIыгъэхэр.
2021-рэ илъэсым Iоныгъом и 16-м ыуж лъэIу тхылъхэр аштэжьыщтхэп. Фондым иофициальнэ сайтэу родныеязыки.рф. зыфиIорэм зэнэкъокъухэм афэгъэхьыгъэ къэбарыр зэкIэ ижъугъотэщт.