Блокадэм къыхиубытагъэхэр
Iоныгъом и 8-м Ленинград къызадзыхьагъэр илъэс 80 хъугъэ, а мафэр ащ хэкIодагъэхэм яшIэжь Мафэу Урысыем щыхагъэунэфыкIы.
УФ-м ПенсиехэмкIэ ифонд и Къутамэу АР-м щыIэм Iоныгъом и 1-м нэс къызэрилъытагъэмкIэ, мы блокадэм къыхиубытагъэу, ахъщэ тын зыфигъакIоу Адыгеим къинэжьыгъэр нэбгырэ 18 мэхъу.
«Житель блокадного Ленинграда» зыфиIорэ тамыгъэр зэратыгъэу, сэкъатныгъэ зиIэхэм ащ паий, аныбжь зэрэнэсыгъэм паий пенсиитIу къафэкIо. Джащ фэдэу «За оборону Ленинграда» зыфиIорэ медалыр къызфагъэшъошагъэхэм пенсиитIу къараты. ГурытымкIэ лъытагъэу, къафакIорэр сомэ 30843,49-рэ мэхъу.
Пенсием нэмыкIэуи ахъщэ тедзэ зэфэшъхьафхэр ПенсиехэмкIэ фондым мазэ къэс ахэм афегъакIо.