Адыгеим икъушъхьэхэм защызыгъэпсэфымэ зышIоигъохэм япчъагъэ илъэс къэс хэхъо. Предпринимателэу ахэр езыгъэблэгъэщтхэмкIи щыкIагъэ щыIэп, хьакIэщхэр, шхапIэхэр етIупщыгъэу Мыекъопэ районым къыщызэIуахых.

ХьакIэхэм узэрапэгъокIыщтыр дэгъоу бизнесменхэм ашIэ, агъэцакIэ, ау, гухэкIми, хэкIэу къаугъоирэр Iузыщыщтым ыгъэ­гумэкIэу ахэтыр бэп.

— Мыекъопэ районым Iоф щызышIэрэ предпринимательхэм, юридическэ лицэхэм ащыщэу пыдзэфэ пытэхэм ядэщын пае зэзэгъыныгъэм кIэмытхагъэхэм якъыхэгъэщын фытегъэ­псыхьэгъэ уплъэкIунхэр лъытэгъэкIуатэх. Ахэм «ЭкоЦентрэм» иIофышIэхэм ямызакъоу, муниципальнэ образованием иадминистрацие чIэсхэри ахэлажьэх. Къы­хэзгъэщымэ сшIоигъу, хьакIэщ къызэIузыхыгъэ бизнесменым хэкIыр зэрэIуаригъэ­щыщт ыкIи зэригъэкIо­дыщт шапхъэхэр хэбзэ­гъэуцугъэм къыщыдэ­лъытагъэх — къыIуагъ ООО-у «ЭкоЦентрэм» и Адыгэ шъолъыр къутамэ ипащэу Алыбэрд Налбый.

Шъугу къэдгъэкIыжьын, унэе предпринимательхэр, юридическэ лицэхэр пыдзафэхэм ядэщын фэгъэхьыгъэ зэзэгъыны­гъэм «ЭкоЦентрэм» дыкIэтхэнхэ фае. Экологическэ ыкIи санитарнэ шапхъэхэр зымыгъэ­цакIэхэрэм административнэ тазыр атын фаеу хъущт, яIоф­шIэни чэщ-зымэфэ 90-кIэ къагъэуцущт.

Зэзэгъыныгъэм укIэтхэным пае коммерческэ отделым иIофышIэхэм закъыфэбгъазэмэ хъущт. Телефонхэр: къалэу МыекъуапэкIэ – 8918-425-96-22, поселкэу ЯблоновскэмкIэ – 8962-868-12-29. Интернет нэ­кIуб­гъоу http://adygea.clean-rf.ru зыфиIорэм уихьэми, лъэIу тхылъыр щыптын плъэкIыщт.

ООО-у «ЭкоЦентрэм» и Адыгэ шъолъыр къутамэ ипресс-къулыкъу.