ПэIудзыгъэ шIыкIэм тетэу рагъэджэщтых
АдыгеимкIэ класс 11 карантиным агъэкIуагъ. Ахэр МыекъуапэкIэ еджэпIитIумэ, Красногвардейскэ районымкIэ еджэпIитIумэ ыкIи Тэхъутэмыкъое районымкIэ еджэпIиплIымэ ачIэс кIэлэцIыкIух.
ИлъэсыкIэ еджэгъур очнэ шIыкIэм тетэу республикэм ис кIэлэеджэкIо пстэуми рагъэжьэгъагъ. Ау тыгъуасэ Адыгеим гъэсэныгъэмрэ шIэныгъэмрэкIэ и Министерствэ къызэритыгъэмкIэ, еджэпIэ заулэмэ, нахь тэрэзэу къэпIон хъумэ, класс заулэмэ арысхэм ащыщхэм коронавирусыр къызэряутэлIагъэм пае пэIудзыгъэ шIыкIэм тетэу рагъэджэнхэу рахъухьагъ. ДжырэкIэ республикэм иеджэпIи 8-мэ якласс 11 карантиным агъэкIуагъ. ПстэумкIи кIэлэцIыкIу 309-рэ. Ахэм яунэхэм арысхэу еджэныр лъагъэкIотэщт. Адыгеим гъэсэныгъэмрэ шIэныгъэмрэкIэ и Министерствэ къызэрэщаIуагъэмкIэ, тхьамэфитIум къыкIоцI ахэр пэIудзыгъэ шIыкIэм тетэу рагъэджэщтых. Адыгеим икIэлэегъаджэхэм япроцент 72-мэ коронавирусым пэшIуекIорэ вакцинэр ахалъхьагъ ыкIи ар лъагъэкIуатэ.