Тамыгъэр къызэратыгъэхэр
«Житель осажденного Севастополя» зыфиIорэ тамыгъэр къызфагъэшъошагъэхэр «Жителю блокадного Ленинграда» къызэратыгъэхэм ягъэпшагъэ мэхъух ыкIи социальнэ фэIо-фашIэхэмкIэ яфитыныгъэхэр зэфэдэх.
Ахэми Ленинград иблокадэ къыхиубытагъэхэм афэдэу мазэ къэс ахъщэ тын къафэкIо, ахъщэ тедзэу къаратырэм хэхьэрэ социальнэ фэIо-фашIэхэр афагъэцакIэх, сэкъатныгъэ зиIэхэм пенсиитIури, сэкъатныгъэм пайи, ныбжьыр зэрэнэсыгъэм пайи, къафэкIонэу агъэпсын фитых.
Хэбзэгъэуцугъэм къызэрэщыдэлъытагъэмкIэ, Севастополэу къадзыхьагъэм щыпсэущтыгъэкIэ кIохэрэр 1941-рэ илъэсым ичъэпыогъу мазэ и 30-м къыщыублагъэу 1942-рэ илъэсым ибэдзэогъу мазэ и 4-м нэс ащ дэсыгъэхэр ары. Ахэм тамыгъэу «Житель осажденного Севастополя» къараты. Ар къэзыушыхьатырэ тхылъэу кIыгъур Хэгъэгу зэошхом иветеран иудостоверение къатыным лъапсэ фэхъу.
ЦIыфым тамыгъэмрэ ар къэзыушыхьатырэ тхылъымрэ къытефэхэу, ау имыIэхэмэ, УФ-м ПенсиехэмкIэ ифонд ичIыпIэ органэу зыпэблагъэм екIуалIэмэ, IэпыIэгъу къыфэхъущтых. Джащ фэдэу тамыгъэр къыратыгъэу, ау сэкъатныгъэ зиIэхэм ахэмыхьэхэрэм цIыфхэр социальнэу къэухъумэгъэнхэм фэгъэзэгъэ къулыкъум е фондым ичIыпIэ орган зафагъэзэн алъэкIыщт. Мы ветеранхэми медикэ-социальнэ экспертизэм иучреждениехэм зэпхыныгъэ адыряIэнымкIэ IэпыIэгъу афэхъущтых.
УФ-м ПенсиехэмкIэ ифонд и Къутамэу АР-м щыIэм ипресс-къулыкъу.