Зэфэсыр Налщык щыкIощт

Дунэе Адыгэ Хасэм (ДАХ-м) и Зэфэс Iоныгъом и 18 – 21-м Налщык щыкIощт.

Республикэ общественнэ движениеу «Адыгэ Хасэм» игъэ­цэкIэкIо куп изэхэсыгъо ДАХ-м и Зэфэс зэфэхьысыжь-хэдзынхэр зэрэщыкIощтхэм, Адыгэ Хасэр ащ зэрэхэлэжьэщтым щытегущыIагъэх.

— Илъэс 30 мэхъу ДАХ-р зызэхащагъэр, — къыIуагъ Адыгэ Хасэм итхьаматэу ЛIымыщэкъо Рэмэзан. — Дунаим тет адыгэхэр нахьышIоу зэрэшIэнхэмкIэ, зэлъыIэсыкIэ амалхэр дгъэфедэнхэмкIэ ДАХ-м иIоф­шIагъэхэм мэхьэнэ ин яI. Гъэхъагъэу тиIэ­хэм, тигумэкIхэм Зэфэсым тащытегущыIэщт.

Адыгэ Хасэм илIыкIохэу ЛIымыщэкъо Рэмэзан, Бэгъушъэ Алый, Ацумыжъ Юсыф, ЦIыкIушъо Аслъан, Тхьапшъэкъо Альберт ДАХ-м и Хэсашъхьэ ыкIи игъэцэкIэкIо купым хэтых, Зэфэсым хэлэжьэнхэу щытых.

Адыгэ Хасэм щыхадзыгъэхэ Хъот Юныс, НэпшIэкъуй Аминэ, ГъукIэлI Сусанэ, Хьаджый Адамэ тиреспубликэ илIыкIохэу Зэфэсым хэлэжьэщтхэм ащыщых.

Зэфэсыр зыщыIэщтхэ мафэ­хэм атефэу лъэпкъ зэхахьэхэр Налщык щыкIощтых. Адыгэм и Мафэ игъэкIотыгъэу хагъэунэфыкIыщт. Культурэм иIофы­шIэхэм концертхэр къагъэлъэгъощтых, спорт зэнэкъокъухэр зэхащэщтых.

Зэлъэпкъэгъухэм яцIыф цIэрыIохэр, IэпэIасэхэр мэфэкIым къырагъэблэгъэщтых.

Зэфэсым, зэхахьэхэм хэбзэ къулыкъушIэхэр ахэлэжьэщтых.

Сахьидэкъо Нурбый.