Iоныгъо мазэм и 5-м гъогоу «Краснодар – Верхнебаканский» зы­фи­­Iорэм ия 25-рэ километрэ, Инэм пэмычыжьэу, пчыхьэм сыхьатыр 9-хэм адэжь гъогу хъугъэ-шIагъэу нэбгырищ зыхэкIодагъэр къытехъухьагъ.

ПэшIорыгъэшъэу зэрагъэунэфыгъэмкIэ, автомобилэу «Хендай» зыфиIоу Краснодар краим щыщ бзылъфыгъэу илъэс 33-рэ зыныбжьым ыгъэIорышIэщты­гъэр ыпэкIэ къикIыщтыгъэ КамАЗ-у Ермэлхьаблэ щыщ хъулъфыгъэу илъэс 49-рэ зыныб­жьым зэрифэщтыгъэм еуагъ. ЗызэутэкIыхэм, машинэ цIыкIур IуидзыкIи, гъогум дытетыгъэхэ нэмыкI машинищмэ апэIуидзагъ. Хьылъэзещэм ыуж итыгъэ машинэри хъугъэ-шIагъэм хэфагъ.

Гъогу хъугъэ-шIэгъэ хьылъэм «Хендаим» кIэрысыгъэ бзылъфыгъэмрэ илъэс 15 зыныбжьхэу къыдисыгъэхэ пшъашъэмрэ кIалэмрэ хэкIодагъэх.

Урысыем хэгъэгу кIоцI Iоф­хэмкIэ и Министерствэ иотделэу Тэхъутэмыкъое районым щыIэм иследственнэ-оперативнэ куп чIыпIэм Iоф щишIагъ. Полицием, нэмыкI къулыкъухэу къещэлIэгъэнхэ фаехэм яIофыгъохэр зэригъэзекIуагъэх хъугъэ-шIа­гъэр къызщыхъугъэ чIыпIэм нэ­сыгъэу Адыгеим хэгъэгу кIоцI IофхэмкIэ иминистрэу Иван Бахиловым.

Следственнэ Iофхэу апэ зэшIуахын фэягъэхэр аухыфэкIэ «Краснодар – Верхнебаканский» зыфиIорэ гъогур зэфэшIыгъагъ, джырэ уахътэм ехъулIэу ар къызэIуахыжьыгъ.

АР-м хэгъэгу кIоцI Iоф­хэмкIэ и Министерствэ ипресс-къулыкъу