Дунэе зэзэгъыныгъэу щыIэхэм, джащ фэдэу къэралыгъо кIоцIым ихэбзэгъэуцугъэхэм ямылъытыгъэу, гражданствэр, Урысыем уисынымкIэ фитыныгъэ уиIэныр IэкIыб къэралыгъохэм къарыкIыхэрэм ыкIи гражданствэ зимыIэ цIыфхэм щагъэзыеу къыхэкIы.

IэкIыбым къикIыгъэхэр хэбзэнчъэу тикъэралыгъо къызэрихьэхэрэм, гъэпцIагъэкIэ учетым зэрэхэуцохэрэм ыкIи ахъщэ атызэ хэбзэнчъэу фэтэрхэм зызэ­рэратхэхэрэм япхыгъэ бзэджэшIагъэхэр хэбзэухъумэкIо къулыкъухэм къыха­гъэщых.

ГъэпцIагъэкIэ учетым хэуцохэрэм ыкIи псэупIэм щымыпсэухэу ахъщэкIэ регистрацие зышIыхэрэм апае УФ-м и Уголовнэ кодекс уголовнэ пшъэдэкIыжь къыщегъэнафэ.

УФ-м и Уголовнэ кодекс къызэригъэ­нафэрэмкIэ, УФ-м игражданин чIыпIэу зыдэкIуагъэм е псэупIэу зыщыпсэурэм гъэпцIагъэкIэ зыдитхагъэ хъумэ, псэупIэм ибысымхэм пшъэдэкIыжь арагъэ­хьы, тазырэу сомэ мини 100-м къыщегъэжьагъэу сомэ мин 500-м нэс е агъэмысагъэм лэжьапкIэу, хахъоу иIэм фэдиз арагъэпщыны, джащ фэдэу илъэ­сищым нэс пэщэ IэнатIэр ыгъэцэкIэн фимытэу унашъом къыделъытэ.

Кощын IофхэмкIэ учетым гъэпцIагъэ­кIэ зыщытхыгъэными уголовнэ пшъэ­дэкIыжь пылъ — илъэси 3-м нэс хьапс ыкIи илъэси 3-м нэс пэщэ IэнатIэ агъэ­цэкIэнхэ фитыщтхэп.

УФ-м и Уголовнэ кодекс истатьяхэу 322,2-м ыкIи 322,3-м къызэрагъэна­фэрэмкIэ, бзэджэшIагъэ зезыхьагъэхэм якъыхэгъэщынкIэ хэбзэухъумакIохэм IэпыIэгъу афэхъугъэхэм ыкIи нэмыкI бзэджэшIагъэ хэмыщагъэхэм уголовнэ пшъэдэкIыжь арагъэхьыщтэп. АР-м ипрокурор истаршэ IэпыIэгъоу Я.Г.Тараканова.