Пшызэ къэралыгъо академическэ къэзэкъ хорым икъэшъокIо купрэ Адыгэ Республикэм и Къэралыгъо академическэ къэшъокIо ансамблэу «Налмэсымрэ» зэгъусэхэу непэ концерт Мыекъуапэ къыщатыщт.

Дунаим щызэлъашIэхэрэ къэзэкъ хорымрэ «Налмэсымрэ» ныбджэгъуныгъэ зэдыряI, зэлъэ­кIох. Концерт зэхэтхэр Урысыем икъалэхэм бэрэ къащаты.

— Мыекъуапэ щыкIощт ныб­джэгъу пчыхьэзэхахьэр федеральнэ Iофтхьабзэхэм ащыщ, — къытиIуагъ Адыгэ Республикэм и Къэралыгъо академическэ къэшъокIо ансамблэу «Налмэсым» ихудожественнэ пащэу, Урысыем, Абхъазым, Пшызэ язаслуженнэ артистэу, Адыгэ Республикэм инароднэ артистэу Хъоджэе Аслъан. — Зэхахьэм къэшъуакIохэр арых хэлэжьэщтхэр. Къашъом ыбзэкIэ искусствэм ибаиныгъэ къэдгъэлъэгъощт.

Лъэпкъ шэн-хабзэхэр, тари­хъыр, ансамблэхэм якъэшъуа­кIохэм яшъуашэхэм ядэхагъэ концертым щытлъэгъущтых. Ныб­джэгъуныгъэу зэдыряIэр щыIэныгъэм зэрэщы­лъагъэкIуатэрэм тегъэгушIо. Адыгеимрэ Краснодар краимрэ якIэлэцIыкIу ансамблэ­хэм Пшызэ къэзэкъ хорымрэ «Налмэ­сымрэ» щысэ атырахы, ягуапэу ахэри концертым еплъыщтых.