Яблэнэрэ Дунэе дзэ-техническэ форумэу «Армия-2021» зыфиIорэм къыхиубытэрэ Iофтхьабзэхэр шышъхьэIум и 27-м къыщыублагъэу и 29-м нэс Адыгеим щыкIощтых. Мы мазэм и 27-м ар Мыекъуапэ и Гупчэ са­угъэт зэхэт сыхьатыр 10-м къыщызэIуахыщт (урамэу Жъо­ныгъуакIэм и 9, саугъэт зэхэтэу «ЕгъэшIэрэ машIу»). Iофтхьабзэу зэшIуахыщтхэм ащыщых: Урысыем и Дзэ зэрэуIэшыгъэм щыщхэр (дзэ техникэм ипкъыгъо 20-м къыщымыкIэу), зэрэохэрэ Iашэм икъэгъэлъэгъон, дзэ авиацием икъэбыбыхьан. МэфэкIым ихьакIэхэм апае концерт къатыщт, щапIэхэм Iоф ашIэщт. Муниципальнэ район гупчэхэри мы Iофтхьабзэм хэлэжьэщтых.