Тинахьыжъ лъапIэу, Тыркуем щыпсэурэ адыгэхэм ялъэпкъ шъхьафитныгъэ ибэнэкIо чанэу, «тыадыг, тыцIыф лъэпкъ шъхьаф, тыбзэ шъхьафы, тикультурэ шъхьафы, дунэететыкIэу Тхьэм къытитыгъэм тетэу тыпсэунэу фитыныгъэ тиIэн фае, ащ тыфэбэнэн фае» зыIуи, Адыгэ хасэхэр 1980-рэ илъэсхэм зэрыфэгъэ­гъэхэ чIыпIэ зэжъум ищыжьыгъэнхэмкIэ лIыгъэ къызхигъафи IофшIэнышхо резыгъэкIокIыгъэу Хьаткъо Аслъан шышъхьэIум и 19-м илъэс 83-м итэу идунай ыхъожьыгъ ыкIи ежь зэрэкIэхъопсыщтыгъэу ихэкужъ, Мыекъуапэ щагъэтIылъы­жьыгъ.

Ишъхьэгъусэу Жъажъыемэ япхъу Сузанэ, ыпхъоу Жансэт, ыкъоу Жанбек якъин адэтэгощы, ыужыпкъэ мафэ афэхъунэу тафэлъаIо. Аслъан ихьадрыхэ Тхьэм нэфы ешI.

Ныбджэгъу куп.