«Динамо» Ставрополь — «Зэкъошныгъ» Мые­къуапэ — 1:2 (1:1). ШышъхьэIум и 21-м Ставрополь щызэдешIагъэх.

«Зэкъошныгъ»: Хьачыр, Цы­шэ, Кириленко, ХъуакIо (Гъыщ, 65), Седов, Датхъужъ, Крылов (Мостиев, 83), Макоев, Пекъо (Хьасаныкъо Арсен, 90), Ан­тоненко (Делэкъо Аскэр, 65), Къонэ.

Къэлапчъэм Iэгуаор дэзыдза­гъэхэр: Кучиев — 45, «Динамо». Белозеров — 17, «Динамо», икъэлапчъэ дидзэжьыгъ, А. Делэкъу — 81, «Зэкъош­ныгъ». Бидер Кагходо тренер шъхьаI

— «Зэкъошныгъэм» итренер шъхьаIэ ипшъэрылъхэр ыгъэцэ­кIэнхэу Кагходо Бидер Мые­къуапэ къырагъэблэгъагъ, — къы­тиIуагъ «Зэкъошныгъэм» ипащэу Аулъэ Рэщыдэ. — Илъэс заулэкIэ узэкIэIэбэжьмэ, Мыекъуапэ икомандэ итренер шъхьаIэу ар щытыгъ, США-м къикIыгъ, адыгэ­мэ ащыщ, адыгабзэр ешIэ. Тыгу къео тренер шъхьаIэу Iоф ышIэным фэшI лицензие зэримыIэр. ШакIо Ащэмэз тренер шъхьаIэу зэратхыгъэу къэнэжьы, пшъэрылъ хэхыгъэхэр ыгъэцэкIэщтых.

Аулъэ Рэщыдэ зэрилъытэрэмкIэ, «Динамэм» лъытэныгъэ икъу «Зэкъошныгъэм» къыфишIыгъэп, ешIэгъум тэрэзэу зыфигъэхьа­зырыгъэп. Мыгъэ «Зэкъошны­гъэм» зэIукIэгъуи 4 иIагъ, зэкIэри шIуа­хьыгъ. Ставрополь икоманди ешIэгъур тшIуихьыщтэу бэмэ къа­щыхъущтыгъ.

ЗэIукIэгъум ия 17-рэ такъикъ тиешIакIоу А. Макоевыр ыпэкIэ илъыгъ. Къэлапчъэм ылъэныкъо­кIэ Iэгуаор зетым, «Динамэм» иухъумакIоу А. Белозеровыр ошIэ-дэмышIэу якомандэ икъэлапчъэ Iэгуаор дидзагъ – 0:1.

«Динамэр» пчъагъэм емызэгъэу бэрэ ыпэкIэ илъыщтыгъ.

Д. Далиевыр тазыр ешIапIэм ихьи, тиухъумакIохэр ыгъэплъэ­хъугъэх. Ащ ыпэкIэ ытыгъэ Iэ­гуаом Г. Кучиевыр шъхьэкIэ еуи, Т. Хьачырым къыухъумэрэ къэлапчъэм дидзагъ — 1:1.

Б. Кагходо тиешIакIохэм рэ­хьатныгъэ аримытэу яджэщтыгъ, апэкIэ лъыкIотэнхэу унашъо афи­шIыщтыгъ.

«Зэкъошныгъэм» икапитанэу Къонэ Амир ешIапIэм игупчэ Iэгуаор къызыщыIэкIахьэм, ухъу­макIохэр къызэринэкIыгъэх. Тазыр ешIапIэм нэсыгъэу лъэшэу зэогъэ Iэгуаор къэлэпчъэIутым къызэкIидзэжьыгъ. Делэкъо Аскэр хъугъэ-шIагъэм псынкIэу уасэ фишIыгъ. Метри 5 фэдизкIэ зыпэчыжьэ къэлапчъэм дауи, хъагъэм Iэгуаор ридзагъ – 1:2.

Ставрополь иешIакIохэр гуIэм хэтхэу «Зэкъошныгъэм» икъэлапчъэ къекIухэу фежьагъэх. А уахътэм «Зэкъошныгъэм» ухъу­мэн Iофыгъохэр дэгъоу ыгъэцэ­кIагъэх.

«Зэкъошныгъэм» 2021 — 2022-рэ илъэс зэнэкъокъум текIоныгъэр апэрэу къыщыдихыгъ, ти­гъэгушIуагъ.

Я 5-рэ зэIукIэгъухэр

«Черноморец» — «Анжи» — 2:0, «Ротор-2» — «Форте» — 1:2, СКА — «Алания-2» — 5:0, «ТIуапсэ» — «Кубань-Холдинг» — 0:0, «Ессентуки» — «Чайка» — 1:9, «Легион» — «Мэщыкъу» — 2:2, «Биолог» — «Спартак» — 1:0.

ЧIыпIэхэр

1. «Анжи» — 12 2. «Мэщыкъу» — 11 3. СКА – 10 4. «Форте» — 10 5. «Чайка» — 10 6. «Динамо» Мх — 8 7. «Легион» — 8 8. «Биолог» — 7 9. «ТIуапсэ» — 7 10. «Динамо» Ст – 5 11. «Спартак» — 5 12. «Ротор-2» — 4 13. «Черноморец» — 4 14. «Зэкъошныгъ» — 3 15. «Кубань-Холдинг» — 2 16. «Алания-2» — 1 17. «Ессентуки» — 0. Я 6-рэ ешIэгъухэр 29.08 «Зэкъошныгъ» — «Черноморец» «Динамо» Мх – «Ротор-2» «Кубань-Холдинг» — СКА «Спартак» — «Легион» «Форте» — «ТIуапсэ» «Чайка» — «Биолог» 30.08 «Алания-2» — «Динамо» Ст «Анжи» — «Ессентуки».