Адыгэ Республикэм щыпсэухэу лъытэныгъэ зыфэтшIыхэрэр!

ТичIыпIэгъу лъапIэхэр!

Урысые Федерацием и Къэралыгъо Быракъ и Мафэ фэшI тышъуфэгушIо!

Хэгъэгоу лIэшIэгъубэ хъурэ тарихъ гъогу къызэпызычыгъэм, цIыф лъэпкъ зэфэшъхьафыбэмэ къахэкIыгъэхэу ащ щыпсэухэрэм азыфагу илъ зэгурыIоныгъэм, ахэм къыдахыгъэ текIоныгъэ­шхохэм тызэрарыгушхорэм ятамыгъэу щыт а быракъыр. Уибыракъ плъытэным къикIырэр уитарихърэ уикультурэрэ бгъэлъэпIэнхэр ары. Быракъым гур къеIэты, тихэгъэгу тыфэ­шъып­къэн, тятэжъхэм къытфыщанэгъэ хэбзэ шIагъохэр къэтыухъумэнхэ зэрэфаер джыри зэ ащ тыгу къегъэкIыжьы. Непэ Адыгеим щыпсэухэрэм, зэрэхэгъэгоу фэдэу, урысые къэралыгъом итарихъыкIэ агъэ­псы, джыри нахь пытэу ылъэ ар тетыным иIахь хашIыхьэ. ТичIыпIэгъу лъапIэхэр, тыгу къыддеIэу зэкIэми тышъуфэлъа­Iо щыIэкIэшIу шъуиIэнэу, дунаир мамырэу, гъэхъагъэхэр шъушIы­хэу шъупсэунэу. Адыгеимрэ Урысыемрэ яфедэ зыхэлъ Iоф пстэуми текIоныгъакIэхэр къащыдэшъухынхэмкIэ мы мэфэ­кIым кIочIакIэ къышъухерэлъхь! Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат Адыгэ Республикэм и Къэралыгъо Совет – Хасэм и Тхьаматэу Владимир Нарожный