Iофтхьабзэу «Читай, Майкоп» зыфиIорэм къыдыхэлъытагъэу микрорайонэу «Восходым» ыкIи къэлэ паркым тхылъ зэфэшъхьафхэм узыщяджэн плъэкIыщт чIыпIакIэхэр къащызэIуахыгъэх.

Непэрэ мафэм ехъулIэу Мые­къуапэ мыщ фэдэ чIипIиплI дэты хъугъэх. Ахэр цIыф кIуапIэ хъугъэ, тхылъ еджэныр зикIэсэхэ цIыфхэр е тетIысхьапIэм тесхэу еджэх, е унэм ахьы­жьышъ, зеджахэхэкIэ къыдалъхьажьы.

МыекъуапэкIэ культурэм и ГъэIорышIапIэ къызэрэщаIуа­гъэмкIэ, илъэсым ыкIэ нэс джыри тIу къызэIуахын гухэлъ яI. Бэ темышIэу Черемушкэм щагъэуцущт. Джащ фэдэу КIэрэщэ Тембот ишIэжь саугъэт пэмычыжьэуи къыщызэIуахын ягухэлъ.

Тхылъхэм афэсакъынхэу, зеджахэхэкIэ къахьыжьынхэу, жанрэ зэфэшъхьафхэр зыдэт тхылъхэр къыдалъхьанхэу Iоф­тхьабзэм икIэщакIохэм цIыфхэм закъыфагъазэ.

(Тикорр.).