Норвегием щыкIощт
Хэгъэгухэм я УIэшыгъэ КIуачIэхэм кушъхьэфэчъэ спортымкIэ ядунэе зэнэкъокъу Норвегием щыкIощт.
Адыгэ Республикэм кушъхьэфэчъэ спортымкIэ иеджапIэ зыщызыгъасэхэу Елизавета Ошурковамрэ Гюнель Мехтиевамрэ Урысыем ихэшыпыкIыгъэ командэ аштагъэх, дунэе зэнэкъокъоу шышъхьэIум иаужырэ мафэхэм щыIэщтым хэлэжьэщтых. Республикэм изаслуженнэ тренерэу А. Войновыр япащэу пшъашъэхэм загъэхьазыры.
Урысыем и Кубок
ШышъхьэIум и 23 — 28-м Урысыем и Кубок къыдэхыгъэным фэгъэхьыгъэ зэIукIэгъухэр Адыгэ Республикэм щыкIощтых.
Зэнэкъокъум бзылъфыгъэхэр хэлэжьэщтых.
— Хэгъэгум иныбжьыкIэхэм язэIукIэгъухэм пшъашъэхэр ащызэнэкъокъущтых. Купхэм ахэтхэу, язакъоу апэрэ чIыпIэхэм афэбэнэщтых, — къытиIуагъ Адыгэ Республикэм кушъхьэфэчъэ спортымкIэ и Федерацие ипрезидентэу Анатолий Лелюк.