Зарэ Урысыем иапэрэ вице-миссис хъугъэ
ШышъхьэIум и 14-м «Миссис Россия–2021» зыфиIорэ зэнэкъокъум иаужырэ уцугъо щыIагъ. Москва дэт концерт къэтыпIэу «Мир» зыфиIорэм ар щызэхащагъ.
Зэнэкъокъум текIоныгъэ къыщыдэзыхыгъэр Кузбасс щыщ Анна Филипповар ары. ЯтIонэрэ чIыпIэр ыкIи Урысыем иапэрэ вице-миссисыцIэр зыфагъэшъошагъэр Адыгеим ыкIыгъэ ЛIэхъусэжъ Зар. Ящэнэрэ чIыпIэр къыхьыгъ ыкIи ятIонэрэ вице-миссис хъугъэ Ростов шъолъырым къикIыгъэ Кира Волковар.
Зарэ бзылъфыгъэ насыпышIу, ишъхьэгъусэрэ ежьыррэ сабыиплI зэдапIу. Апшъэрэ гъэсэныгъэ иI, Адыгэ къэралыгъо университетыр къыухыгъ, бизнесым Iоф щешIэ.